Dom ruak talang, khớp lac ruak bhian gaok dalam bilan brak. Lingik la-an lac makna ba tal pandik cambaoh talang, khang labik tanyi, gah likuk takuai, ka-ing… Ruak pandik cambaoh talang dalam bilan brak urang halei jeng meda gaok, min rilo meng lac urang taha saong dom urang ngak bruk trak meng tangin takai.

 

Urak ini di darak pasar hu pablei biak rilo janih jru patrun pandik yau aspirin, ibuprofen atau acetaminophen, meda ngak brei patrun pandik biak samar. Min drei njauk tangi sua bác sĩ atau dược sĩ dahlau di tuk pandar janih jru halei. Lingiu di nan drei njauk hadar lac, jru pandar rilo jeng oh siam.

Urang bahrau njauk viêm khớp brei samar nao iek ruak piah plaih ka talang nyu gam, nyu biến dạng khớp ba tal jaoh jo. Hu biak rilo janih jru daok pablei di darak pasar min urang ruak jhui eng drei nao blei jru mai menyum kayua meda hu dom tác dụng phụ. Abih di nyu nan lac, dom jru iek ruak thấp khớp biak mbuan ba tal ruak dạ dày.

 Dom jalan ngak piah pasiam ruak:

 Châm cứu: Rilo roh duah mboh lac, châm cứu biak siam ka urang ruak pandik cambaoh talang, abih di nyu nan lac urang pandik cambaoh talang livik thun bilan. Nan ye drei jhui pagam pambak rilo tame jru atau nao blac raih, bo meda nao châm cứu, mbuan ngak, abih takik jien padai min nyu ba mai rilo siam mekre.

 Pasram rup pabhap hu maong yau sa janih jru siam ka pren yava saong meda ngak brei cadu pandik cambaoh. Hu rilo jalan pasram rup pabhap bo drei meda pilih ruah ka nyu lagaih haong umo thun, lagaih haong pren yava, haong hatai takre, pagap yau caluai ia, aerobic atau nao takai.

Jalan pacang ruak pandik khớp

Bhian vận động: nyu siam ka baoh hatai, siam ka talang, cơ saong khớp.

       Mbang menyum mbiah, lagaih: Talang di drei brei hu rilo dinh dưỡng piah hu khang kajap. Kayua yau nan ye, dom janih pandap mbang hu rilo vitamin C saong E, canxi meda daong ka dom khớp dalam rup pabhap oh samar suy thoái.

Menyum ginup ia: Ia meblah tal 70% thành phần di sụn saong khik trơn tru di kreh 2 akaok talang.

 

Jru pasiam ruak pandik khớp

Mek hala ngải cứu patih rao hacih, lai sara tame bloh am ka nyu pandiak tagok, hadei di nan tauk tame khớp. Tuk khớp nyu brah, tauk ngải cứu sara pandao nyu ngak brei trun pandik, takik brah jang. Daok dom urang mbuan si pandik khớp (nan lac urang taha, urang limek…) meda pandar janih jru ini tauk tagok khớp yaok harei meda pacang hu ruak.

Tram takai meng ia sara pandao lai haong laya. Yaok harei, siam di abih njauk tram takai sa mbang meng 15 tal 30 minit. Ia sara pandao saong laya meda ngak brei patrun pandik, pacang ruak pandik talang takai. Tram takai meng ia pandao yaok harei di tuk melam nyu siam ka takai saong daok daong pacang rilo ruak di rup pabhap.

 

Dom kadha njauk caik hatai ngan saong urang ruak pandik khớp

Dom urang pandik khớp, viêm khớp jhui tabiak gah lingiu tuk lingik li-an hu hajan. Kayua tuk lingik la-an, độ ẩm glaong nyu ngak ka ruak trak jang. Meyah hu bruk njauk tabiak gah lingiu, brei cuk harum laiy saong ao hajan piah plaih pasah. Meyah khan ao pasah, njauk phlaih khan ao karei saong uak thu rup, tangin, takai. Daok mikva urang ngak nong, tuk khớp pandik jhui trun ia, trun gluh baok. Siam di abih tuk nao ngak hamu, brei cuk  ủng piah khik ka takai nyu thu”./.

 

HỆ PAPAR SAP BANGSA VOV4 BHUM BAN RAYA HCM

Labik daok: 7 Nguyễn Thị Minh Khai, Phường Bến Nghé, Quận 1, TP.Hồ Chí Minh
Pho Yam ndok PT : Nguyễn Ngọc Năm
Phaok yam ndok: Cao Thị Thoa, Trần Xuân Thân