Ngai lơi kung tam gơl mờ bơsir pa: 20/10/2020

VOV4.K’ho- Ngai 19/10, bơh bơta đơng lam bơh ồng Nguyễn Xuân Phúc Thủ tướng Chính phủ dê, Duh broă sùm Chính phủ neh pơrjum bè broă lam lơh ală broă lơh bơsong jơnau gơlời wơl bơh mìu càl rbu\t dờng dà tih dà cò pa lơh aniai kung bè rơcăng, sơndră mờ mìu càl rbu\t dờng dà tih tàm tơngai mờr tus. Tam pà bal mờ ală hoàc hươr roh rui, jê sồt bơh làng bol ală càr tiah tàm gùl lơgar dê, ală cau hìu bơnhă geh cau gơtìp chơ\t. Thủ tướng sồr ală anih lơh broă geh gơnoar pơn jăt tai lơh jơh pràn he dê nàng sền gàr màng kis mờ jơtài làng bol in.

Dong kờl làng bol tiah dà tih tiah tàm gùl lơgar

Tềng đăp măt, Thủ tướng ring bal mờ jơnau dan bơh ală bộ, gah sơnah lơh broă dà lơgar dê tă ai tơl càr in 100 tơmàn đong, tàm hơ\ geh: Quảng Nam, Thừa Thiên- Huế, Quảng Bình, Quảng Trị mờ Hà Tĩnh, nàng dong kờl lơh niam wơl hìu ơm mờ bơ\t bơtàu wơl phan bơna. Ồng Nguyễn Xuân Phúc yal loh dùl bơta geh ngan jê sồt ngan là mìu càl rbu\t dờng dà tih dà cò neh lơh 94 nă cau chơ\t. Thủ tướng sồr pơn jăt tai sồr bơsong niam wơl bal mờ ală gùng dà broă lơh rơcăng lài rlau tai nàng dong kờl làng bol, tàm nùs nhơm là ờ go\ di lời làng bol gơtìp jơgloh, làng bol gơtìp mrềt noăt, ờ geh anih ơm. Jơh nùs sồr dong kờl rềs àr mơya pal niam ờdo ờdă.

Cau mblàng Lơ Mu K’Yến

 

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định