Ngai lơi kung tam gơl mờ bơsir pa: 19/9/2020

VOV4.K’ho- Ală Bộ trưởng Tài chính mờ Y tế mpồl 20 lơgar geh rài lơh sa bơtàu tơnguh mờ pa pơnrơ (G20) ngai 18/9 geh jơnau yal bơr bal đơs nền, broă nàng jơh ală cau in geh ngui ring bal mờ [ươn sơnơm vaccine rcăng sơndră kòp Covid-19 là kuơmàng ngan nàng sơrlèt gan kòp dờng mờ dong kờl bơta bơtàu tơnguh wơl bơh rài lơh sa gùt plai ù dê. Jăt ală Bộ trưởng đơs, G20 geh pơn jăt tai lam lơh jơh ală broă lơh neh geh lài nàng sền gàr màng kis, broă lơh mờ priă lơh geh bơh jơh ală làng bol dê.

Dùl broă rơndăp lơh lơh broă geh yal tàm dơ\ pơrjum ală Bộ trưởng Tài chính mờ Kuang ătbồ Ngân hàng dà lơgar mpồl G20 tàm nhai 10 tus mờ tàm Pơrjum kấp kuang bàng dờng màng G20 geh lơh tàm nhai 11. Jơnau yal bơr geh yal tàm tu\ dơ\ tàm ntoăt pơrlòng mờ tu\ tơngai nàng kờ` lơh gơs sơnơm vaccine rcăng sơndră kòp Covid-19 gam mu\t tàm tơngai jal mhar, bal mờ bàr pe bơta sơnơm vaccine rcăng geh lơh uă.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định