Ngai lơi kung tam gơl mờ bơsir pa: 22/9/2020

VOV4.K’ho- Tàm jơnau cih pa do bal mờ sơnđan măt “Rơcăng mờ bơyai lơh gơ in niam ngan Pơrjum dờng dơ\ 13 bơh Đảng dê, ai dà lơgar mu\t tàm dùl tu\ tơngai bơtàu tơnguh pa”, ồng Nguyễn Phú Trọng Tổng Bí thư, Chủ tịch lơgar neh đơs wơl jơnau bơto sồr bơh Bác Hồ kờ` gơboh dê: “Pơrjum dờng geh lơh ai Đảng he in tam klăc sơlơ tam klăc rlau tai, bồ tơngoh mờ broă lơh neh dùl nùs bal, sơlơ dùl nùs rlau tai”.

Ngai 03/04/1960, lài mờ tu\ bơyai lơh Pơrjum dờng cau ala măt dơ\ 3 bơh Đảng dê 5 nhai, Chủ tịch Hồ Chí Minh neh cih jơnau “Dùl broă cribơyai jơnau rcăng cih Adat bơhiàn Đảng”  cih yal tàm pang Báo Nhân dân. Jơnau cih yal tàm pang báo geh gơl cih: “Pơrjum dờng Đảng geh gơrềng ngan tus rài tơnơ\ do kăc màng bơh Đảng he dê mờ làng bol he dê. Pơrjum dờng geh lơh ai Đảng he in neh tam klăc sơlơ tam klăc rlau tai, bồ tơngoh mờ broă lơh neh dùl nùs bal, sơlơ dùl nùs bal rlau tai. Den tàng, jơh ală oh mi he pal cribơyai nền nòn ală rơndăp broă lơh mờ tă pơgồp jơnau đơs li la, nàng pơrjum dờng geh lơh geh cồng nha gơ in niam bơne\ ngan”. Phó Giáo sư- Tiến sĩ ồng Nguyễn Minh Tuấn, Kuang ătbồ Viện bơ\t bơtàu Đảng, Học viện Chính trị Dà lơgar Hồ Chí Minh mblàng sền bè do: Jơnau bơto sồr bơh Bác Hồ dê neh sơ`io loh jơnau sồr bơta tam klăc tàm Đảng bơh pah dơ\ Pơrjum dờng. Phó Giáo sư- Tiến sĩ ồng Nguyễn Minh Tuấn, đơs: Do ngan là jơnau bơsram bơ\t bơtàu Đảng bơh Đảng he dê mờ Chủ tịch Hồ Chí Minh neh geh jơnau đơs pơndu\t wơl bè do: “Tam klăc, tam klăc, tam klăc uă, Cồng nha, cồng nha dờng”. Tàm pah dơ\ Pơrjum dờng là tu\ nàng sền wơl broă lơh Đảng neh lơh, gi\t kơnòl broă tàm tơngai tus. Den tàng Pơrjum dờng geh sền là tu\ nàng gàr kơ\ tam klăc rlau, nàng nùs nhơm neh tam klăc rao den pal pơn jăt tai tam klăc”.

Bè rơcăng mờ bơyai lơh geh cồng nha Pơrjum dờng, Chủ tịch Hồ Chí Minh kung neh sơ`io loh: “Pal ngan ngồn pờ ơnàng bơta dùl nùs bal nàng jơh tơl nă đảng viên in đơs jơh jơnau đơs tă pơgồp bơh he dê; pal tơrgùm ală jơnau đơs tă pơgồp bơh đảng viên dê nàng dong Dà lơgar in rơcăng Pơrjum dờng Đảng gơ in niam ngan”. Ală jơnau bơto sồr, jơnau bơto pơlam bơh Ồng dê bè cribơyai tàm Pơrjum dờng Đảng là ală bơta pal jăt tờm mờ rơndăp tăp sèng tàm bơ\t bơtàu Đảng, wèt tus broă tơnguh uă nùs nhơm kăc màng bơh đảng viên dê; tam klăc mờ lơh kơ\ kơl jăp niam ală mpồl đảng; lơh pràn mờ lơh gơs niam ală kơnòl broă neh ai tơlik. Giáo sư- Tiến sĩ ồng Đỗ Quang Hưng, lơh broă tàm Hìu bơsram Đại học Dà lơgar Hà Nội đơs là: tơl nă kuang bàng, đảng viên pal gi\t wa\ jrô ơnàng cribơyai, tàm pơndang nàng lòt tus bơta ring bal mờ nùs nhơm bơh Đảng dê tàm ală sră nggal, kuơmàng là broă lơh bơ\t bơtàu, lơh niam wơl Đảng, broă lơh tam dră mờ broă sa kuề sa kùa, bơta ờ niam mờ ală bơta gơ tơngo\ gơbàn ờ niam tàm bồ tơngoh nùs nhơm. Giáo sư- Tiến sĩ ồng Đỗ Quang Hưng, đơs: Ală bơta mờ Tổng Bí thư neh sồr gơ wèt mờ dùl Pơrjum dờng, hơ\ là pal wèt tus lơh gơs gùng dà bè Sră nggal. Gơ wèt mờ jơh ală Pơrjum dờng bơta kuơmàng mờ Pơrjum dờng dơ\ 13 digơlan geh bơta kuơ dờng màng rlau tai, tu\ mờ bol he tàm pơn jăt tai tu\ tơngai bơh bơta tam gơl dê. Kuơmàng tàm jơnau cih bơh ồng Nguyễn Phú Trọng Tổng Bí thư, Chủ tịch lơgar dê neh lơh gơlik bơta pin dờn gơ wèt mờ làng bol là bơta lơh ngan jơh nùs chính trị bơh Đảng dê niam ngan.

Tàm klăc tàm tơl dơ\ pơrjum dờng geh tơngo\ uă tàm broă lơh sac rwah kuang bàng. Sền swì “di mờ di ngan” kuang bàng nàng rơndăp di cau, di broă. Pơgồp bal niam đah broă lơh bơto bơtê mờ bơta jak chài is; đah mờng chài mờ gùng dà bơtàu tơnguh. Kuơmàng pal loh làng, song dơ pă, ring bal, dùl nùs bal, dipal, jơh nùs tàm broă sac rwah kuang bàng. Bơta hơ\ gơ sồr Cau lam bồ pal song niam, jơh nùs, ring bal, song dơ pă, ờ go\ di “kờ` den niam, ờ kờ` den iơh”. Ồng Nguyễn Thanh Bình, Phó Kuang ătbồ Vụ Bơyai broă Adat bơhiàn, Mpồl Bơyai broă dà lơgar, đơs nền: Kờ` pal lơh niam rlau tai tàm broă rơcăng broă lơh kuang bàng Pơrjum dờng in. Do là broă kuơmàng ngan rlau jơh tài bơh gơrềng uă ngan, là bơ\t bơtàu mờ te\ khà pồ jơh dùl ròt ală kuang bàng tàm sùm dùl tu\ tơngai lơh kơnòl broă. Den tàng bè hơ\, broă lơh kuang bàng pal rcăng nền non rlau. Bol he pal lơh wil tơl ală broă di jăt jơnau sồr, pal dùl nùs bal, ring bal, jơh nùs, song dơ pă loh làng mờ pal geh bơta lùp sền loh làng, nàng pồ geh ală cau geh nùs nhơm niam, geh broă lơh jak mu\t lơh broă tàm kấp ủy. 

Kuang bàng, đảng viên mờ làng bol dùl nùs bal uă ngan mờ ală jơnau đơs tàm jơnau cih bè broă lơh rơcăng mờ bơyai lơh gơ in niam ngan Pơrjum dờng Đảng dơ\ 13. Dilah lơh di bơta pal jăt, di broă, jơh nùs, song dơ pă loh làng den geh rwah geh cau ngồn ngồn jak, ngan ngồn geh bơngă pin dờn mu\t lơh broă tàm anih lơh broă đơng lam Đảng dê, tơnguh tai bơta tam klăc tàm Đảng. Bal mờ hơ\ là broă ring bal bồ tơngoh đơng lam geh cih tàm ală Sră nggal mờ Kơrnoat bơh Pơrjum dờng dê, lơh geh bơta ring bal mờ lơh broă.

                Cau cih Lại Hoa (VOV1)- Cau mblàng Lơ Mu K’Yến     

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định