Ngai lơi kung tam gơl mờ bơsir pa: 4/7/2020

VOV4.K’ho – Pa do, mờr 2 rbô 500 nơm sur geh ală mpồl lơh sa kă bro blơi bơh lơgar Thái Lan neh lơh sră thông quan gơtùi tàm Mpồng nhàr lơgar dunia Lao Bảo, càr Quảng Trị. Mpồl lơh broă geh gơnoar neh tam cah is nàng sền gròi mờ ai mẫu xét nghiệm nàng kờ` git nền là khà sur do ờ geh kòp mờ tơl niam ờ do ờ dă.

Jat jơnau sồr, sur kis blơi bơh lơgar ndai geh Chi cục lơh sơnơm phan ròng tiah 3 sền sơwì sră nggal blơi bơh lơgar ndai bơh mpồl lơh sa kă bro dê mờ sền sơ wì ngan ngồn khà sur blơi. Broă sền gròi kòp sur kis blơi bơh lơgar Thái Lan geh lơh nền nòn ngan nàng kờ` git nền ờ geh kòp mờ tơl niam ờ do ờ dă phan sa.

Lài mờ tu\ jun rê hờ lơgar Việt Nam, sur geh lơh xét nghiệm ală bơta kòp jat jơnau sồr bơh Cục lơh sơnơm phan ròng dê. Tơnơ\ tu\ rê tus lơgar Việt Nam, sur pơn jat tai geh sền sơwì mờ pơn jat tai jun rê hờ anih tam cah is nàng sền gròi mờ ai mẫu xét nghiệm nàng dùl dơ\ tai đơs nền ờ geh kòp mờ tơl niam ờ do ờ dă phan sa.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng