Ngai lơi kung tam gơl mờ bơsir pa: 3/6/2020

VOV4.K’ho- Drim ngai 2/6, tàm hìu lơh broă Chính phủ, Thủ tướng Nguyễn Xuân Phúc đơng lam pơrjum Chính phủ bè ờs nhai 5 mờ broă lơh sa- mpồl bơtìan.

Đơs broă lơh sa- mpồl bơtìan nhai 5, Thủ tướng Nguyễn Xuân Phúc đơs là, geh bơta tam gơl niam ngan, drà kă bro tàm lơgar geh lơh niam wơl, ngan là drà nhơl chờ duh hồl wơl. Dùl bơta tơr gùm uă hơ\ là ală broă lơh nhai 5 dê niam rlau mờ nhai 4. Nhai 5 kung là nhai mờ rùp să Việt Nam dê tàm dunia geh gơguh.

Thủ tướng Nguyễn Xuân Phúc chờ hờp pà g^t 48 ngai do lơgar he ờ geh cau bơtờp pa kòp Covid-19 tàm mpồl bơtìan. Uă ngan ală cau bơtờp kòp ndrờm neh geh sơm bời mờ rê tàm hìu. Thủ tướng kung tơngo\ bơta chờ hờp ngan mờ broă jơh ală tiah mờ Thủ tướng pa lơh broă ndrờm jơh nùs ngan lơh gơs ală jơnau kờ` lơh sa – mpồl bơtìan neh sồr lơh bơh bồ nam.

Thủ tướng sồr ală Bộ Gah sơnah lơh broă, ală tiah lơh ngan jơh nùs uă nàng lơh geh cồng nha niam ngan rlau jơh ală jơnau kờ` lơh sa- mpồl bơtìan neh geh ai lơh tàm nam do, kơ kung sồr ală Kuang bàng tus bal pơrjum cribơyai, ai ală gùng dà broă lơh bè ală broă duh hồl bè rcang sơn dră aniai sơ gràm kơnòm dềt, broă khà priă tăc poăc sur pơn jat gơguh uă.

Cau mblàng K’ Hạnh

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng