Ngai lơi kung tam gơl mờ bơsir pa: 23/10/2020

VOV4.K’ho - Tơnơ\ mờ 3 nam lơh jăt tàm xã tiah nhàr dà lơgar Krông Na, kơnhoàl Buôn Đôn, càr Dak Lak, rơndăp broă “Chồl pràn gơnoar bơh cau ùr tàm broă atbồ dà tàm tiah Tây Nguyên lơgar Việt Nam” neh cèng wơl cồng nha mùl màl.

Bơh rơndăp broă lơh do, làng bol kis tàm xã do neh tam gơl jơnau g^t wă, broă lơh mờ tơnguh uă kơnòl tàm broă sền gàr tiah kis mờ dà. Bơta tam gơl do geh bơnah broă pơgồp bal uă ngan bơh mpồl cau ùr kòn cau kis bơh yau tàm do mờ gơnoar tòm, tus bal lam sồr.

Bè hơ\ sùm tàm ngai 15 pah nhai, mpồl tòm cau ùr sền gàr tiah kis [òn Ea Rông, xã Krông Na, kơnhoàl Buôn Đôn, càr Dak Lak geh pơgồp bal mờ mpồl atbồ [òn bơyai lơh pơs wàs tiah kis. Neh gơs bơta mờng, làng bol kis tàm [òn ndrờm tus bal, rơcang pơs wàs ù tiah gùt dar hìu tòm mờ gơl gùng tềng đăp hìu, hơ\ sồng pơs wàs gơl gùng mu\t tus tàm [làng drà xã.

                                       Mpồl tòm geh bơto sồr tàm broă lơh sơtèk jồr dà [uơn ngui

Mò H’ Nụ Bu Yăm, kòn cau Mnông, kuang bàng cau ùr, cau tàm mpồl tòm pà g^t, broă lơh do geh lơh tàm rơlao 2 nam do, ờ mìng pơgồp bal tàm broă gàr kloh niam ù tiah [òn lơgar, dong kờl tiah kis geh niam mờ gam tơnguh nùs nhơm g^t rơcang lài bơh mpồl bơtiàn dê. Mpồl neh tơnguh niam geh cồng nha tàm broă lam sồr, hòi jà làng bol tus bal:

-Geh uă cau tàm mpồl là kuang bàng [òn lơgar, den tàng broă pơgồp bal mpồl bơtiàn geh [uơn tài he geh jơnau đơs tàm mpồl bơtiàn den mpồl bơtiàn geh iăt rơlao mờ tus bal mờ he lơh uă rơlao.

Mpồl neh lơh jăt broă hòi jà làng bol tơrgùm sìô siă, pơs wàs gùng [òn, lam sồr làng bol tus bal tơrgùm sìô siă tàm drà. Bơdìh hơ\ tai, mpồl kung pơgồp bal mờ ală mpồl lơh broă tàm xã nàng tam tòm chi jăt gah gùng, lơh sơtèk jồr dà.

Bal mờ ală broă lam sồr sền gàr tiah kis, mpồl tòm gam lơh jăt broă lơh sơtèk jồr dà ai ală hìu gam ngui sa dà dờng tàm [òn in. Mờ khà priă tă di pơgăp 1 tơlăk 400 rơbô đong lơh dùl nơm sơtèk jồr dà, broă lơh do ngui ală phan neh geh lài ha là [uơn jòi blơi bè bràs, lu\ rơdeh, chah rơndăp gơs ală tăp tàm sơtèk geh lơh mờ đù nàng dà geh jồr.

                                   Bơh rơndăp broă lơh, geh uă hìu neh geh dà sàng kloh niam nàng ngui

Làng bol gơtùi [ồm tơn dà bơh ală dà dờng, dà tơnao tus tàm sơntèk mờ ai dà geh jồr hơ\ nàng ngui tàm hìu nhă. Tơnơ\ mờ 3 nam lơh, broă do neh geh lơh uă tàm 3 [òn là Jang Lành, Ea Rông mờ [òn Trí A, xã Krông Na dê mờ 50 nơm sơtèk jồr dà geh lơh.

Pah nhai mpồl tòm do ndrờm tus sền gròi broă ngui sơtèk jồr dà tàm ală hìu làng bol, sền gròi bơta niam dà mờ măi was, mờ yal nàng geh cau tus lơh niam wơl, ha là ala ală sơtèk jồr dà neh gơtìp ờ gơtùi ngui tai.

Ồng Lê Tiến Dũng, Phó Chủ tịch UBND xã Krông Na đơs, 3 nam do, rơndăp broă lơh do neh pơgồp bal niam tàm broă dong kờl làng bol gơs bơta mờng ngui dà sàng kloh niam mờ tơnguh uă kơnòl sền gròi mờ sền gròi is broă sền gàr kloh niam tiah kis tàm [òn.

-Mpồl tòm pơgồp bal mờ ală mpồl sền gròi is tàm ală [òn, tàm hơ\ uă ngan là tàm ală tiah nhơl chờ mờ geh uă bơta di gơlan gơtìp gơrềng bal bè sìô siă. Gơwèt mờ mpồl bơtiàn, làng bol neh g^t pơs wàs kloh niam tiah kis tàm [òn, tàm anih să tòm ơm kis.

Dơ\ bàr là làng bol tơpnguh uă broă sền gròi bơh bơta gơrềng bal bơh ală mpồl lơh broă tàm xã di lah geh ală broă lơh gơrềng tus mờ dà, bè tuh sìô siă tàm dà dờng den làng bol geh là ală cau sền gròi tơn, yal tus mờ anih lơh broă geh gơnoar nàng geh broă lơh glài.

Jăt mò Nguyễn Thị Ngọc Lan, kuang atbồ anih prăp gàr mờ tơnguh bơtàu dà, mpồl tam klăc ală mpồl khoa học – kỹ thuật Việt Nam yal, tu\ rơndăp broă geh lơh tàm kơnhoàl Buôn Đôn, mpồl lơh rơndăp broă neh tơrgùm tàm ală tơngu me chồl pràn gơnoar bơh cau ùr tàm broă atbồ dà.

                                                     Ală mpồl tus sền gròi jăt tơngai dà tàm ală dà dờng, tơnao dà 

Bơh sơnrờp tơn, rơndăp broă lơh do neh geh mpồl tòm do tơrgùm cau ùr tàm ală [òn, bơyai lơh ală broă bơsram tàp, rơcang ală bơta ngăc ngar bè broă lam sồr, boh bơr tàm mpồl, mpồl bơtiàn. Tơnơ\ mờ tu\ neh geh bơsram, ală oh mi cau ùr neh khin rơlao tàm jơnau đơs, gơtùi mblàng is, sền wơl mờ lơh rơndăp broă nàng ală broă lam sồr tàm mpồl bơtiàn.

Do là bơta mờ lài do  hoan go\ ngan tàm ală oh mi cau ùr, tàm hơ\ uă ngan là cau ùr kòn cau. Tus tu\ do, ală oh mi cau ùr neh tus bal tàm broă lam sồr mpồl bơtiàn, cèng wơl ală cồng nha loh làng mờ broă tam gơl niam.

-Cau ùr là cau tàm mpồl tòm tàm mpồl bơtiàn mờ uă tu\ bè đah cau ờ hoan geh sền gròi. Den tàng bol a` kờ` chồl pràn gơnoar bơh cau ùr nàng cau ùr gơtùi pin dờn tus bal nàng dờp geh gơnoar hơ\ den hơ\ sồng geh dong kờl tam gơl uă ngan.

Bơta kuơ tòm ngan mờ bol a` kờ` chồl pràn, kờ` lơh geh, hơ\ là ndrờm bal cau klao mờ cau ùr, ring bal cau klao mờ cau ùr. Bol a` go\ là, tu\ lơh broă mờ cau ùr den bơta tam gơl tàm mpồl bơtiàn mhar ngan.

Bơh ală cồng nha lài ngan mờ rơndăp broă lơh chồl pràn gơnoar cau ùr tàm broă atbồ dà, làng bol kis tàm xã tiah nhàr dà lơgar Krông Na, kơnhoàl Buôn Đôn, càr Dak Lak neh geh broă tam gơl tàm nùs nhơm bè broă sền gàr dà, sền gàr tiah kis, bơh tu\ hơ\ geh lơh is.

Mờ bơh rơndăp broă lơh do, ală oh mi cau ùr kung neh rơhời khin, pin dờn mờ tơnguh niam gơnoar să tòm, tus bal mờ mpồl bơtiàn bal mờ ală [òn sền gàr tiah kis, tài tiah kis dà dờng niam rơlao.

Cau cih H’ Xíu-Cau mblàng Ndong Brawl

 

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định