Ngai lơi kung tam gơl mờ bơsir pa: 27/11/2020

VOV4.K’ho - Lài do xã tiah nhàr dà lơgar Ia Lốp, kơnhoàl Ea Súp, càr Dak Lak là tiah geh bơta lơngăp lơngai ờ do ờ dă mpồl bơtiàn gơtìp kal ke ngan, tàm hơ\ uă ngan là tu\ geh uă cau lơh broă tus tàm do lơh ală rơndăp broă lơh ồs đèng măt tơngai.

Mơya mờ broă tus bal pràn bơh gơnoar atbồ xã, tàm hơ\ geh gơnoar tòm là kuang àng chính quy dờp kơnòl tàm ală xã, ală cau tìs neh geh kơrian, bơta lơngăp lơngai ờ do ờ dă mpồl bơtiàn geh gàr niam, dong kờl làng bol bal mờ mpồl lơh sa kă bro iang nùs lơh broă sa.

{òn Trung xã tiah nhàr dà lơgar Ia Lốp, kơnhoàl Ea Súp geh g^t tus là tiah kal ke bè bơta lơngăp lơngai ờ do ờ dă mpồl bơtiàn. Lài do, khà dơ\ tìs mờ adăt boh lam bè kơ`ao phan, nhơl [ài, ngui mờ kă bro ma tuý, tam lơh, tò dong blơi phan geh lơh bơh broă lơh sa suơn sre gơtìp sùm.

   Kuang àng chính quy tus tàm xã tiah nhàr dà lơgar Ea Lốp, kơnhoàl Ea Súp dờp kơnòl lơh broă sền gàr bơta lơngăp lơngai tàm do

Kuơ màng bơh bồ nam 2020 tus tu\ do, bơta do gơtìp uă rơlao tu\ geh g^t nđờ rơbô nă cau lơh broă bơh tàm ală tiah tus ơm kis mờ lơh broă tàm ală broă lơh rơndăp broă ồs đèng măt tơngai.

Ồng Đào Xuân Thái, ala măt Công ty TNHH Xuân Thiện Dak Lak pà g^t, bu\ lah ờ hềt gơbàn ală dơ\ kơ`ao phan uă lơi, mơya neh gơtìp uă dơ\ roh phan bè che đèng, ntùng, `jrong đèng, che sơndră mờ kơnàs, bu lông tàm ală tiah lơh broă…

Khà priă bơh ală phan gơtìp roh bu\ lah ờ uă, mơya lơh gơtìp aniai tơn tus mờ broă lơh rơndăp broă. Bơtoah ngan, Kuang àng xã Ia Lốp neh di tu\ kơrian mờ toh wơl jơh ală phan gơtìp roh mờ ai wơl mpồl lơh sa kă bro in.

-Lồi nhai 10 nam 2020 lài do, đah công ty bol a` gơtìp roh ờ uă bơta phan lơh broă nàng drơng tàm broă lơh. Tơnơ\ mờ hơ\, bol a` neh yal mờ kuang àng xã Ia Lốp. Dờp jơnau yal, mpồl kuang àng xã neh bơyai lơh sền wơl mờ ku\p Nguyễn Nhật Vũ, kis tàm [òn Vùng là cau neh kơ`ao.

Kuang àng neh mhar toh phan mờ jào wơl bol a` in di tu\ lơh broă. Mpồl lơh sa kă bro kơ\p kờ` là mpồl kuang àng xã pơn jăt tai tơnguh gơnoar tòm gàr niam bơta lơngăp lơngai dong kờl làng bol mờ mpồl lơh sa kă bro iang nùs lơh broă.

                                 Kuang àng xã Ia Lốp cri jào wơl phan gơtìp roh ai mpồl lơh sa kă bro in

Jăt Thiếu tá Nguyễn Quốc Hoan, kuang atbồ kuang àng xã Ia Lốp yal, bơh bồ nam 2020 tus tu\ do, kuang àng xã neh dờp mờ bơsong 12 dơ\ tìs mờ adăt boh lam, gơmù 5 dơ\ pơn drờm mờ tu\ do nam 2019. Kuang àng kung neh lơh glài mờ priă 51 nă cau mờ khà 25 tơlăk đong tă tàm kes priă; jun sră lơh glài tus mờ kuang àng kơnhoàl Ea Súp lơh glài 03 dơ\, 04 nă mờ ală tìs kơl tơ\ cau, sơgràm phan bơna mờ ngui ma tuý; ku\p dùl nă cau bơh Hà Nội dô tàm do bơrlu\ bal mờ công nhân lơh rơndăp broă ồs đèng măt tơngai…

Bơdìh hơ\ tai, kuang àng neh dờp mờ bơsong g^t nđờ rơhiang dơ\ sră nggal gơrềng tus mờ cơng tàng sră hìu nhă, lơh sră kim ta làng bol nàng ai tơl bơta [uơn làng bol mờ mpồl lơh sa kă bro iang nùs lơh sa kă bro. Tàm tơngai tus, kuang àng xã pơn jăt tai lơh ndrờm bal ală broă lơh nàng gàr niam rơlao tai bơta lơngăp lơngai tàm xã. Thiếu tá Nguyễn Quốc Hoan pà g^t:

-Kuang àng xã pơn jăt tai bơ\t bơtàu ală mpồl [òn atbồ, yal adăt boh lam, bơto sồr broă lơh nàng làng bol tơnguh uă nùs nhơm rơcang lài tàm broă tam dră mờ ală bơta cau tìs.

Bơ\t bơtàu pang zalo nàng làng bol in mờ g^t ală broă pơrlồm bơh ală bơta cau tìs, bơto sồr làng bol yă cau tìs. Pơgồp bal nền nòn mờ mpồl lơh sa kă bro nàng atbồ cau bơh tàm ală tiah tus lơh broă tàm ală rơndăp broă lơh ồs đèng măt tơngai.

Ia Lốp là xã tiah nhàr dà lơgar, ngài mờ tiah tàm gùl kơnhoàl Ea Súp 50 kơi sồ. Gùt xã geh 18 [òn, rơlao 6 rơbô 700 nă làng bol, mờ 50% là làng bol ală kòn cau ơm kis.

Tài ù tiah ơnàng, brê bơnơm kơh uă, jơnau g^t wă bơh làng bol dê bè adăt boh lam gam ờ hềt uă, den tàng uă cau tìs mờng rơwah ù tiah do nàng pồn mờ lơh broă ờ niam. Broă gơtìp roh phan, tò dong blơi phan geh lơh bơh broă lơh sa suơn sre, nhơl [ài, ma tuý gơtìp kal ke lơh ờ niam tus mờ xã.

Ồng Phạm Khắc Dũng, Bí thư Đảng ủy xã Ia Lốp đơs, bơh tu\ lơh jăt rơndăp broă ai kuang àng chính quy tus tàm xã dờp kơnòl neh dong kờl uă ngan tus mờ xã in tàm broă gàr niam bơta lơngăp lơngai. Ală tiah gơtìp uă bè ờ geh bơta lơngăp lơngai, ờ do ờ dă mpồl bơtiàn neh geh kơrian jơh.

-Xã Ia Lốp bol a` geh ai 7 nă kuang àng chính quy tus dờp kơnòl tàm xã. Ală kuang àng tus dờp kơnòl geh cồng nha ngan, kuang àng geh bơ\t bơtàu ală broă lơh nàng sền gàr bơta lơngăp lơngai bè: làng bol sền gàr bơta lơngăp lơngai dà lơgar, cau ùr mờ broă tam dră mờ broă tiă gan nhàr dà lơgar ờ di mờ adăt boh lam, mpồl sền gàr bơta lơngăp lơngai is tàm [òn mờ uă broă lơh ndai, tus bal niam tàm ală mpồl lơh sa kă bro nàng sền gròi cau lơh broă bơh tàm ală tiah ndai tus.

Bơh tu\ hơ\, bơta lơngăp lơngai ờ do ờ dă mpồl bơtiàn geh sền gàr niam, ală dơ\ gơtìp ờ niam tus mờ mpồl bơtiàn ờ gam gơbàn mờ geh làng bol bal mờ mpồl lơh sa kă bro đơs niam.

Gơtùi đơs, broă ai kuang àng chính quy geh bơta ngăc ngar tàm broă lơh, geh bơto bơtê di gùng di dà, geh broă mờng chài tàm mùl màl mờ nùs nhơm niam tàm broă lơh tus dờp kơnòl tàm xã tiah nhàr dà lơgar Ia Lốp, kơnhoàl Ea Súp lài ngan neh cèng wơl cồng nha niam, pơgồp bal tàm broă kơrian cau tìs, tơmù ờ uă ngan bơta ờ niam tàm mpồl bơtiàn, gàr niam bơta lơngăp lơngai tàm xã tiah ngài càr Dak Lak in.

Bơh tu\ hơ\, pơgồp bal tàm broă bơ\t bơtàu kơl jăp broă sền gàr bơta lơngăp lơngai gùt làng bol kung bè bơta lơngăp lơngai dà lơgar tàm tiah nhàr dà lơgar đah măt tơngai mu\t Tây Nguyên Dà lơgar dê.

Cau cih Tuấn Long-Cau mblàng Ndong Brawl

 

 

 

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định