Ngai lơi kung tam gơl mờ bơsir pa: 13/8/2020

VOV4.K’ho- Tỉnh Đoàn Dak Lak pa pơgồp bal mờ ală mpồl lơh sa dong kờl bơyai lơh pà măi jồr dà mờ phan pà ai ală anih rơcang sơndră mờ kòp Covid-19 tàm càr do in.

                                          Pà măi jồr dà ai Viện Vệ sinh dịch tễ Tây Nguyên in

Jăt mờ hơ\, 6 nơm măi jồr dà, 30 nơm phan puh càl, 10 rơbô nơm chèo gòm muh măt mờ ờ uă phan ngui ndai kờp jơh khà geh rơlao 65 tơlăk đong neh geh pà ai 3 mpồl là Viện Vệ sinh dịch tễ Tây Nguyên, Trung đoàn cảnh sát cơ động Tây Nguyên mờ hìu sơnơm kòp bơsiă jòr gơl^k mhàm mờ kòp klờm soh Dak Lak.

Bal mờ 2 nơm măi jồr dà geh Đoàn dà lơgar dong kờl, Tỉnh Đoàn Dak Lak neh lam sồr tai geh ală mpồl nàng dong kờl măi jồr dà ai ală mpồl lơh broă tàm tiah sơnrờp gơtìp kòp Covid-19 in.

Ală măi jồr dà do geh ai dà hùc tơn tơl khà niam mờ ờ pal ntrờn tai dà bơh bơdìh tus, tơmù bơta gơtòp bơh kòp Covid-19.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định