Ngai lơi kung tam gơl mờ bơsir pa: 30/12/2020

VOV4.K’ho- Mang ngai 29/12, tàm Hà Nội geh lơh dơ\ jờng rơ kơnòm bơsram, cau bơsram dờng, ơruh pơnu jơi bơtiàn kòn cau jak ngan, pơnrơ ngan nam 2020. Do là nam dơ\ 8, Ủy ban Jơi bơtiàn bơyai lơh broă lơh do nàng kờ` jờng rơ bơhiàn jak bơsram, tơryăng tơryồng hàm kờ` lơh broă lơh sa bơtàu tơnguh lơh sa- mpồl bơtiàn. Nam do, geh 122 nă kơnòm bơsram, cau bơsram dờng, ơruh pơnu gơ wèt 50 jơi bơtiàn kòn cau jak ngan, pơnrơ ngan geh jờng rơ.

Jờng rơ kơnòm bơsram, cau bơsram dờng jơi bơtiàn kòn cau jak ngan

Pơndrờm mờ nam lài, khà kơnòm bơsram, cau bơsram dờng jơi bơtiàn kòn cau lơh geh cồng nha jak ngan neh gơguh rlau jơh bal bè khà mờ bơta jak geh uă tă pơgồp geh kuơ ngan ai mpồl bơtiàn in. Đơs tàm dơ\ jờng rơ, ồng Trương Hòa Bình Phó Thủ tướng Thường trực Chính phủ jờng rơ ală kơnòm bơsram, cau bơsram dờng, ơruh pơnu jơi bơtiàn kòn cau jak ngan, pơnrơ ngan geh jờng rơ mờ đơs nền, tiah jơi bơtiàn kòn cau mờ tiah kơnơm geh anih kuơmàng ngan tàm broă lơh bơtàu tơnguh lơh sa- mpồl bơtiàn, sền gàr dà lơgar, lơngăp lơngai mờ sền gàr tiah ơm kis bơh dà lơgar dê.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định