Ngai lơi kung tam gơl mờ bơsir pa: 15/4/2020

VOV4.K’ho- Tàm Càr Dăk Nông, Kuang àng càr Dăk Nông kung neh bơyai lơh broă lơh pà mhàm dong kờl is nam 2020. Do là dơ\ 2 tàm nam do, Kuang àng càr Dăk Nông pơgồp bal mờ ală anih lam lơh srơh pà mhàm dong kờl cau, gơhòi gơ jà bơta tus bal jơh nùs ngan bơh gal ngan kuang bàng mờ cau ling dê.

Tàm anih pơrjum bơh Kuang àng càr Dăk Nông dê, gi\t nđờ rhiang nă kuang bàng, cau ling neh geh măt nàng tus bal pà mhàm. Kuang bàng, cau ling lơh jăt niam broă pơn chèu glòm muh măt tàm tiah gal cau mờ lơh jăt ală bơta bơto pơlam sồr pal lơh nàng rcăng sơndră kòp Covid-19. Trung úy Nguyễn Thành Tân, lơh broă tàm Cơldu\ dong broă phan bơna, Kuang àng càr Dăk Nông yal: Bơh tu\ mu\t lơh broă tàm gah kuang àng tus tu\ do, să tờm a` kung neh pà mham rlau 10 dơ\ sơl, pah dơ\ pà mhàm den să tờm a` gơlơh bè ờs ngan. Tàm nùs nhơm là cau pràn kơldang bè ờs, geh bơta rơndăp tăp sèng bơh kuang bàng, cau lơh sơnơm dê nàng pà mhàm ai ală cau kờ` mhàm in tàm tơngai gơbàn kòp gam kal ke ngan rlau jơh bè do den là kuơmàng ngan. 

Ală tu\ pà mhàm, ală kuang bàng, cau ling gah kuang àng kung gam lơh jăt sơl jơnau sồr ơm yah ờdo ờdă nàng rcăng sơndră kòp Covid-19

Đại tá Hồ Văn Mười, Kuang ătbồ Kuang àng càr Dăk Nông pà gi\t, lơh jăt jơnau hòi jà bơh Tổng Bí thư, Chủ tịch lơgar ồng Nguyễn Phú Trọng dê, kuang àng càr Dăk Nông neh lam lơh pràn kơldang srơh pà mhàm dong kờl is mờ dờp geh bơta tus bal dan lơh bơh rlau 1 rbô 500 nă kuang bàng, cau ling dê. Đại tá Hồ Văn Mười, đơs: Tài bơh kuang àng càr ơm ngài ală hìu sơnơm dờng den tàng broă lam lơh jăt kung gơtìp kal ke sơl. Jăt Anih tờm huyết học càr Dăk Lăk den mìng gơtùi dờp bơh 120 tus 150 kơldung mhàm lơm. Den tàng bol a` geh pơn jăt tai pơgồp bal mờ ală anih geh gơrềng pơn jăt tai lam lơh, lơh bè lơi nàng ai kuang bàng, cau ling in geh pơn jăt tai pà mhàm. Bơta kal ke tu\ do là bol he pal bơsong hơ\ là lơh niam broă pà mhàm, mơya pal lơh niam sơl broă lơh tam dră mờ kòp Covid-19.

Tus bal dơ\ lam lơh, mò Tôn Thị Ngọc Hạnh, Phó Chủ tịch UBND càr Dăk Nông đơs, mpồl kuang àng càr neh lơh jăt nùs nhơm lam lài, lơh krơh, lơh gơrề làm uă srơh pà mhàm dong kờlcau tàm tu\ kòp gơbàn. Mò Tôn Thị Ngọc Hạnh, đơs: Tàm broă lơh tam dră mờ kòp Covid-19 den gùt lơgar tàm sơm băt tê bal, jăt bol a` den broă lam lơh di tu\ bơh gah kuang àng dê là broă lơh geh bơta kuơ ngan gi\t lơh, tơl nă cau dùl broă lơh, tơl nă cau dùl nơm broă. Pà mhàm là nàng rcăng, nàng rcăng lài, nàng dong kờl cau, hơ\ là dùl broă lơh pal sền ki ngàm ngan bơh gah kuang àng dê.

          Cau cih Hoàng Qui- Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định