Ngai lơi kung tam gơl mờ bơsir pa: 3/6/2020

VOV4.K’ho- Ngai òr (02/6) Kuang atbồ lơgar Nga ồng Vladimir Putin neh k^ broă rơndăp lơh tơnguh wơl broă lơh sa lơgar do dê geh Thủ tướng Nga ồng Mikhail Mishustin jào.

Jăt jơnau yal, kes priă tă ai lơh rơndăp broă do tus 5 rơbô tơmàn rúp (ndrờm mờ 73 tơmàn dolar Mỹ). Jơnau kờ` tờm là dong kờl làng bol mờ ală mpồl lơh sa kă bro gơtìp gơrềng kơn jơ\ ngan tàm kòp dờng Covid-19, kờ` geh sùm phan bơna kă bro mờ ngui sa tàm mpồl bơtiàn mờ mu\t lơh wơl bơta pràn lơh broă sa.

 Broă rơndăp lơh do geh 3 tơngai lơh: ring niam broă lơh sa tus lồi nam 2020, tơnguh wơl tàm bồ nam 2021 mờ tam gơl tus tơnguh lơh sa tàm quý 4 nam 2021.

Thủ tướng ồng Mikhail Mishustin pin dờn là, di lah lơh di broă rơndăp lơh neh geh ai, broă lơh sa lơgar Nga geh gơguh wơl tơnơ\ mờ bơta tung lơtang bơh kòp Covid-19 mờ khà gơguh lơh sa uă rơlao mờ khà lài mờ bơta tung lơtang do.

Cau mblàng Ndong Brawl

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng