Ngai lơi kung tam gơl mờ bơsir pa: 20/1/2021

VOV4.K’ho- Mpồl kuang bàng sồ 5 bơh Mpồl đơng lam dà lơgar rơcang sơndră kòp Covid-19 bơh Thứ trưởng Bộ Y tế, ồng Nguyễn Trường Sơn lơh Kuang atbồ mpồl neh geh dơ\ lơh broă mờ Ủy ban Nhân dân càr Gia lai nàng kờ` sền sơ wì broă lơh rơcang sơndră kòp Covid-19 tàm càr. Nàng gàr niam ờ do ờ dă, drơng pơrjum dờng cau ala mat gùt lơgar dơ\ 13 bơh Đảng dê mờ sa tềp bơhìan yau Tân Sửu 2021, càr Gia Lai neh sồr Gah đơng lam mpồl ling sền gàr tiah nhàr dà lơgar càr atbồ nền nòn broă lik mờ mut hờ lơgar he, lòt rê gan mpồng nhàr lơgar dunia Lệ Thanh; bơyai lơh sền gròi, lòt sền mờ sền sơ wì nền nòn gùng dềt, gùng pờ tàm gơl gùng nhàr rềp mờ lơgar Campuchia, krà` cê kơryan, di tu\ git go\, lơh glài krà` ală cau mut hờ lơgar he tìs mờ adat boh lam.

Đơs tàm dơ\ lơh broă, Thứ trưởng Bộ Y tế, ồng Nguyễn Trường Sơn sồr càr Gia Lai pal pơn jat tai lơh niam broă sền gròi mut hờ lơgar he tìs mờ adat boh lam bơh ală gùng dềt, gùng pờ tàm tiah nhàr dà lơgar. Mơkung geh broă rơndap lơh, rơcang lài ală bơta nàng sơndră mờ ală broă gơlik geh kal ke bơh kòp Covid-19 dê.

Cau mblàng K’Duẩn

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định