VOV4.K’ho- Mho ngai 21/01, tàm Hìu lơh broă Chủ tịch, Văn phòng Chủ tịch lơgar bơyai lơh pơrjum tơn jơh broă lơh nam 2020, lam lơh kơ nòl broă nam 2021. Tus bal pơrjum geh ồng Nguyễn Phú Trọng Tổng Bí thư, Chủ tịch lơgar bal mờ kuang đơng lam bồ ală Ban, Bộ, gah sơnah lơh broă dà lơgar dê.
Ồng Nguyễn Phú Trọng Tổng Bí thư, Chủ tịch lơgar đơs tàm dơ\ Pơrjum
Nam
2021, Văn phòng Chủ tịch lơgar tơrgùm bơt bơtàu mpồl kuang bàng geh nùs
nhơm niam, jak chài lơh broă, bơta g^t wă ờs mờng broă lơh ngăc ngar
sơr băc mhar mờ bơta geh ngan, g^t loh mờ đòm jat di pal, bơceh pa gùng
dà broă lơh bơh Đảng, broă lơh adat boh lam bơh Dà lơgar dê tàm broă lơh
kơ lôi sơ nơng, cribơyai, drơng ală broă lơh tàm lơgar mờ lơh broă mờ
lơgar ndai bơh Tổng Bí thư, Chủ tịch lơgar, Phó Chủ tịch lơgar dê.
Đơs tàm dơ\ pơrjum, ồng Nguyễn Phú Trọng Tổng Bí thư, Chủ tịch lơgar tơngkah kuang bàng Văn phòng pal g^t loh gơ noar broă, kơ nòl broă bơh he dê nàng lơh niam broă geh jàu. Den tàng, tơl nă kuang bàng Văn phòng pal sùm pơđơl pràn, pơlam tàp nàng tơnguh ua\ bơta jak chài tàm broă lơh ờs mờng, broă lơh di pal mờ jơnau sồr, kơ nòl broă geh jàu.
Cau mblàng K’ Hạnh