Ngai lơi kung tam gơl mờ bơsir pa: 4/7/2020

VOV4.K’ho- Mho ngai 3/7, tơnơ\ tu\ geh Kuang ătbồ lơgar Tây pồ ăt gơnoar broă Thủ tướng, Thủ tướng pa lơgar Tây dê là ồng Jean Castex mờ Thủ tướng lài do lơgar Tây dê là ồng Édouard Philiipe neh bơyai lơh dơ\ tàm jàu gơnoar broă. Tàm dơ\ bơyai lơh tàm jàu gơnoar broă, Thủ tướng lài do lơgar Tây dê là ồng Édouard Philippe pơyua jơnau chờ gờm tus mờ cau tàm pơdờn mờ tơlik nùs nhơm pin dờn tàm bơta pràn jak bơh ồng Jean Castex dê gơtùi lơh niam kơnòl broă bơh cau lam bồ Chính phủ lơgar Tây dê tàm tơngai tus.

Tàm tu\ hơ\, dờp kơnòl broă pa, Thủ tướng pa lơgar Tây dê hòi jà tam klăc bal dà lơgar, bal mờ gơ\p tam dră wơl mờ ală dơ\ tung lơtăng tu\ do. Kơnòl broă tềng đăp măt là kơn jơ\ kơn ju\t ngan tu\ pal tề lam dà lơgar Tây sơrlèt gan dơ\ tung lơtăng lơh sơnơm, tung lơtăng lơh sa mờ mpồl bơtiàn tài bơh kòp Covid-19 lơh gơrềng tu\ do, bal mờ dùl ròt ală broă lơh niam wơl gam ờ hềt lơh geh.

Cau mblàng Lơ Mu K’Yến

GAH PỜ TƠLIK JƠNAU ĐƠS DÀ KÒN CAU VOV4 TÀM TÂY NGUYÊN
Hìu lơh broă : 19A, Lê Duẩn, Buôn Ma Thuột, Daklak.
Kuang atbồ: Vũ Hải Định  
Phó Kuang atbồ: Hoàng Trung Dũng