VOV4.Bahnar - Kiơ̆ Anĭh tơm vei lăng choh jang xa păng atŏk tơ iung tơ ring tơ rang, akŏm đĭ đăng kơ sô̆ jên tĕch mơ dro tơ mam đơ̆ng choh jang xa, ka hơ dang, tơ̆r ‘long lơ̆m jăl khei mă 1 hăm tĕh đak đe đei 18,34 ti đô lar. Lơ̆m nŏh tĕch tơ̆ t/đ đe đei 10,61 ti đô lar, tŏk 19,7% pơ têng hăm khei âu sơ năm sơ̆.

Lơ̆m jăl khei mă 1, lơ tơ mam đei kơ jă tĕch tơ̆ tĕh đak đe măk ƀiơ̆ pơ têng hăm khei âu sơ năm sơ̆ nhen: cao su, hla che, ‘nhot, plei ‘long, ƀum, hơ dang, tơ mam đơ̆ng tơ̆r ‘long. Mă lei, oei đei tơ mam tĕch tơ̆ tĕh đak đe roi jur ‘năi nhen: chĕh phe, phe, găr điêu, ka tra…

Găh anĭh tĕch mơ dro, kơ jă tĕch mơ dro tơ mam đơ̆ng choh jang xa, ka hơ dang, tơ̆r ‘long truh tơ̆ dôm tơ ring châu Á đei 54,4%; Châu Mi đei 32,2%; châu Âu ‘nŏh 11,8%... Lơ̆m nŏh 4 anih răt iŏk tơ mam tơm ‘nŏh Mi, Trung Quốc, Nhật Bản păng Hàn Quốc tơ tă răt iŏk tŏk lơ ngăl.

Dơ̆ng: Tơ blơ̆