VOV4.Bahnar - Kiơ̆ nơ̆r tơ roi đơ̆ng Anih vei lăng rei pơ tăm păng vei lăng ‘long pơ tăm Gia Lai, jô̆ truh ƀât blŭng khei 6/2021 jĭ hla kok tơ̆ kơ tao ‘nao đei dơ̆ng tơ̆ apŭng Ia Pa phă pơ răm 393 ha. Tơ chĕng adrol, tơ̆ hơ năp kơnh, jĭ hla kok tơ̆ kơ tao gô phă pơ răm dêh hlŏh dơ̆ng, yoa hlôi đei tơ̆ pơ gar kơ tao pơ yan adrol ki păng mưh đei ‘năr tŏ păng ‘mi jur ‘nŏh sư chek lar tôch hrĕnh, phă pơ răm kơ tang.

Vă găn ƀiơ̆ jĭ hla kok tơ̆ kơ tao tơ pŏh, pơm kơ nê̆ truh tơ ring pơ tăm kơ tao kơ dôm hnam kơ măy rŏl kơ tao lơ̆m dêh char, Anih vei lăng choh jang xa păng atŏk tơ iung tơ ring tơ rang athei Dơ nŏ anih vei lăng kon pơ lei dôm tơ ring pơ tăm kơ tao păng dôm anih jang đei ƀơm truh pơ gơ̆r roi tơ băt, pơ tho tơ ƀôh, pơ tâp pơ hrăm ăn kon pơ lei pơ tăm kơ tao hlôh vao, băt hơ dăh tơ drong răm đơ̆ng jĭ hla kok tơ̆ kơ tao păng jang kiơ̆ ‘lơ̆ng dôm trong tang găn jĭ yoa anih jang kơ pal tơ lĕch.

Dơ̆ng: Tơ blơ̆