VOV4.Bahnar - Kơ dră Anih vei lăng rei pơ tăm (Anih tơm vei lăng choh jang xa păng atŏk tơ iung tơ ring tơ rang) Nguyễn Như Cường ăn tơ băt, hrei ‘nâu lơ̆m tĕh đak đei dang 695 rơ bâu ha tĕh pơ tăm chĕh phe, đei plei hlŏh 1,7 triu tân 1 sơ năm. Lơ̆m nŏh tơ ring Tây Nguyên đei 585 rơ bâu ha, đei plei hlŏh 1.6 triu tân.

Khei ‘năr âu ki, jĭ Covid-19 đei tôch hơ mơt, 1,2 tơ ring bơ̆ jang pơ vang găn lơ̆m tơ pôl ƀơm kơ nê̆ truh tơ drong vei rong chĕh phe. Dang ei, kơ jă chĕh phe oei vă tŏk mă lei yoa ƀơm kơ nê̆ đơ̆ng jĭ, ưh kơ măh bơ ngai phĕ, jên jang roi tŏk... pơm ăn bơ ngai pơ tăm păng anih tĕch mơ dro tơ tă tơ ƀâp mơ mat tat ngăl mưh mât lơ̆m pơ yan phĕ ‘nao.

Dak Lak jĭ dêh char đei tĕh pơ tăm chĕh phe xă hlŏh lơ̆m tĕh đak. Sơ năm ‘nâu, yoa ƀơm kơ nê̆ đơ̆ng jĭ Covid-19, tơ drong yak vih vât kơ plăh dôm dêh char mơ mat tat kơ na tơ̆ tơ ring ưh kơ măh lơ bơ ngai phĕ chĕh phe.

Dơ̆ng: Tơ blơ̆