VOV4.Bahnar  – Apŭng Kbang, dêh char Gia Lai đei hơgăt jê̆ 1.000 ha tơm mắc ca (lơ hloh dêh char Gia Lai) lơ̆m noh, đei 250 ha tŏk bŏk oei pĕ plei, đei yua truh 180 tâ̆n lơ̆m xơnăm 2021. Hơgăt tơm mắc ca âu dang ei tŏk bŏk đei pơtăm hrau hăm 'long pơtăm nai, đei yua lơ̆m hơgăt teh choh pơtăm xơđơ̆ng hloh adrol ki. 'Nâu duh jing xơkơ̆t hơtŏk mŭk drăm ăn kon pơlei tơ̆ apŭng Kbang, mă kăl noh hăm kon pơlei Bahnar. Ƀok Mã Xuân Tình, Kơdră Anih vei lăng Choh pơtăm păng Hơtŏk tơring pơxĕl apŭng Kbang ăn tơbăt, lơ̆m dôm xơnăm truh, kơsô̆ mắc ca tơ̆ apŭng K'bang gô tŏk lơ kơyuơ hơgăt teh pơtăm mắc ca gô hơtŏk iŏk yua lơ hloh.

Lan chih păng pơre nơ̆r