VOV4.Bahnar - Bro\k hơ lơ\k dơ\ng tơ\ pơ lei pơ la Đăk Tô, de#h char Kon Tum pơ jing tơ drong jang đơ\ng 1 kơ loăi pơ gang hla ‘long đei đơ\ng hơ drol, Hồ Thị Kim Oanh, 35 sơ năm to\k bo\k tôch kơ jơ nei hăm tơ mam Hla che sâm hro Ngọc Linh. ‘Nâu j^ tơ mam OCOP kơ loăi 3 hơ nglo\ng kơ de#h char Kon Tum, hlôi tơ gop hơ to\k lơ kơ jă kăp g^t, pơ jing hơ năn ăn 1 kơ loăi pơ gang hla ‘long lơ\m tơ ring, vang hơ dai tơ gu\m lơ u\nh hnam kon kông tơ\ apu\ng Đăk Tô pơ\ih să pơm tơ le\ch, hơ to\k io\k yua đơ\ng tơ drong pơ tăm pơ gang hla ‘long.

Tơ drong tơm pơm ăn kơ Hồ Thị Kim Oanh ku\m hăm 2 ‘nu buăl sư ‘no\h Lê Thị Thanh Lịch, Hồ Thị Kiều tơ che\ng rơ\ih ‘long sâm hro (đẳng sâm) pơ jing tơ drong jang sa tôch kơ [ônh: sâm hro đei tơ mam pơ gang ‘lơ\ng, j^ kơ loăi đei lơ\m tơ ring mă lei tơ drong yua kơ loăi pơ gang hla ‘long âu ‘nao lăp tơ\ kơ loăi pơm hmă păng tam mă đei lơ bơ ngai băt tru\h. Hăm hơ drin pơ jing tơ ring tơ mam pơm tơ drong jang sơ đơ\ng ăn kơ kon pơ lei kon kông, pơm đei lơ tơ mam, hơ to\k ‘lơ\ng kơ jă kăp g^t păng sơ kơ\t hơ dăh hơ năn sâm hro Kon Tum, Oanh tơ băt hăm tơ mam Hla che sâm hro Ngọc Linh:

    “Ba ‘me\h pơm tơ le\ch đei 1 kơ koăi hla che ‘lơ\ng păng vei sơ đơ\ng đei tơ drong hơ iă đơ\ng sâm ‘no\h ba athei năm ho\k pơ hrăm. Blu\ng a ^nh tơ [ơ\p đei 1 ‘nu bơ ngai tôch kơ hơ lăng. Sư đei an^h pơm tơ le\ch hla che tơ\ Lâm Đồng păng hlo#h vao ku\m hlôi 10 sơ năm pơm tơ le\ch hla che. Hăm hla che tăh lơ\m tơ pu hlo\ng ‘no\h sư hlôi pơ tho ăn kơ lu o\h tôch kơ lơ găh trong pơm hla che, trong hơ dre\ng păng vei đei dôm tơ drong ‘lơ\ng đơ\ng [um sâm. Đơ\ng no\h nhôn băt hơ dăh ‘no\h j^ pơm kiơ\ kơ măy kơ mo\k đơ\ng Nhật ‘lơ\ng ngăl”.

Hồ Thị Kim Oanh hăm tơ mam Hla che sâm hro Ngọc Linh

Vă đei tơ mam Hla che sâm hro Ngọc Linh ‘lơ\ng pơ jei đei an^h te\ch mơ dro, Hồ Thị Kim Oanh rơ\ih răt io\k tơ mam tơ\ 2 xăh Mường Hoong păng Ngọc Linh kơ apu\ng Đăk Glei. ‘Nâu j^ tơ ring ‘long sâm hro blu\h jing ‘lơ\ng, đei tơ mam pơ gang lơ păng tơ mam ke\ pơm lăp hăm pơm tơ le\ch te\ch mơ dro. Tơ\ hơ năp ‘me\h vă đei tơ ring tơ mam rơ go\h, sơ đơ\ng pơ yua ăn pơm tơ le\ch đunh đai, Hồ Thị Kim Oanh rơ\ih trong jang hơ dai hăm Hơp tak xăh Ngọc Linh ku\m hăm 1,2 u\nh hnam kon pơ lei pơ tăm sâm hro tơ\ xăh Mường Hoong, Ngọc Linh, apu\ng Đăk Glei, hơ dai hăm ‘no\h pơ\ih thim tơ ring tơ mam tơ\ xăh Văn Lem, apu\ng Đăk Tô. Đ^ đăng tơ ring tơ mam kơ Ko\ng ti tă kơ đei 1 an^h jang hơ dro# lăng ‘lơ\ng păng pơ tho kon pơ lei pơ tăm kiơ\ hơ găt ‘lơ\ng VietGap:

“Hrei ‘nâu Ko\ng ti răt kiơ\ pơ yan vei sơ đơ\ng kơ so# tơ mam 1 pơ yan ro# te\ch ăn kon pơ lei. Kon pơ lei jang chu\n mir hrei ‘nâu ku\m hlo#h vao đei ‘no\h j^ bơ\n athei hơ to\k ‘lơ\ng đơ\ng sâm bơ\n pơ tăm, vă khan ư\h kơ yua pơ gang vei lăng ‘long pơ tăm, ư\h kơ yua pho\ng hoă ho\k. Tôch kơ chhôk hơ iă‘no\h j^ vă Ko\ng ti gơ\h vang tơ roi băl tơ drong jang găh tơ mam rơ go\h hăm kon pơ lei jang chu\n mir. Pơ tru\h tơ mam ăn Ko\ng ti ‘no\h Ko\ng ti gô ăn kơ măy kơ mo\k pơ tăm rơ go\h ăn kơ kon pơ lei păng ba răt io\k tơ mam ‘no\h tôch kơ sơ đơ\ng”.

Tơ ring pơ tăm tơ mam sâm hro kơ Ko\ng ti tơ\ xăh Mường Hoong

Đơ\ng ro\ng hlo\h 1 sơ năm pơm tơ le\ch hơ nhăk tơ mam le\ch tơ\ an^h te\ch mơ dro, tru\h dang ei Hla che tơ pu hlo\ng sâm hro Ngọc Linh kơ Ko\ng ti mơ dro sa pơm tơ le\ch păng pơ v^h pơ văn Lâm Thịnh kơ Hồ Thị Kim Oanh hlôi đei lơ bơ ngai răt yua tơ\ 3 an^h te\ch mơ dro tơm ‘no\h j^ pơ lei tơm Hồ Chí Minh, Hà Nội păng Đà Nẵng io\k răt. Tơ mam đơ\ng Ko\ng ti ku\m đei măt tơ\ 13 de#h char pơ lei tơm Tơ măn đak krong Cửu Long păng Nam Bộ. Rim khei an^h jang mơ dro sa răt đei vă je# 2.000 kơ hôp hla che. Dang ei Hồ Thị Kim Oanh to\k bo\k hơ to\k tơ iung tơ mam cao sâm hro Ngọc Linh, m^nh kơ so# tơ mam đak nhă pơm đơ\ng sâm hro…. Hơ dai hăm ‘no\h tơ mơ\t jên jang pơm tơ le\ch tơ pu hlo\ng păng kơ măy kơ dâu kơ d^h ke\ pơm tơ le\ch 120.000 kơ hôp Hla che sâm hro Ngọc Linh rim sơ năm. Hồ Thị Kim Oanh vang tơ roi tơ drong tơm te\ch mơ dro đơ\ng kơ d^h sư;

“J^ 1 ‘nu bơ ngai kon kơ Đăk Tô rơ ne\h tơ\ Đăk Tô ^nh ‘me\h vă ‘no\h j^ hơ to\k tơ iung tơ ring nhôn kiơ\ trong kơ jăp. Tơ mơ\t jên jang dơ\ng tơ\ tơ ring, pơm đei lơ tơ drong jang, an^h bơ\ jang hơ gei ăn kơ rim đe buăl mơ lo#h hrei ‘nâu păng sơng đei đe buăl mơ lo#h bro\k tơ\ tơ ring vă pơ v^h pơ văn ăn tơ ring. Tơ klep dôm tơ mam kơ tơ ring nhen sâm hro, dôm pơ gang hla ‘long nai pơ yua ăn hơ to\k tơ iung tơ mang lăng tơ pôl”.

Sâm hro roi ‘năr roi hơ nhăk ăn io\k yua lơ ăn bơ ngai pơ tăm

Hăm hơ drin ư\h kơ băt gle\h lap, Hồ Thị Kim Oanh ku\m hăm dôm buăl sư tơ\ thị trấn Đăk Tô, apu\ng Đăk Tô, de#h char Kon Tum hlôi yak blu\ng jang đei hăm hơ năn Hla che sâm hro Ngọc Linh. Tơ mam âu hlôi đei An^h vei lăng kon pơ lei de#h char Kon Tum asong hla ar drơ\ng ăn tơ mam OCOP kơ loăi 3 hơ nglo\ng. Blu\ng khei 10/2020, đon tơ che\ng “ Pơm tơ le\ch sâm hro păng hla che tơ pu hlo\ng sâm hro hơ dai hăm hơ to\k tơ iung kơ jăp tơ mam drăm tơ ring” đơ\ng gru\p pơ che\h găh Ko\ng ti ‘no\h đei Khu\l vei lăng dro\ kăn de#h char Kon Tum pôk hơ năn hăm jơ nei mă mônh tơ drong pơ long “ Tơ chă đon tơ che\ng pơ jing tơ drong jang sa hơ gei sơ năm 2020".

Khoa Điềm: Ch^h

Thuem: Tơ blơ\