VOV4.Bahnar - Hơto\k jang tơguăt đơ\ng anih jang mu\k drăm hăm unh hnam kon pơlei kiơ\ trong jang hơp tak xăh vă pơgơ\r pơm jang, te\ch răt tơmam drăm pơtăm đei jing trong jang đei dêh char Kon Tum tơle\ch jang đơ\ng xơnăm 2018. Khei năr âu ki, Anih Choh jang xa păng Hơto\k tơring pơxe\l dêh char Kon Tum jang hadoi hăm Anih vei lăng kon pơlei rima pu\ng, plei tơm tơle\ch hơlen păng rơih io\k dôm tơdrong jang, tơmam drăm dơnơm pran kơ tơring vă pơm kiơ\ pơkăp âu.

            Truh dang ei, lơ\m tơring kơ dêh char Kon Tum hlôi pơjing đei 23 anih tơroh choh pơtăm, te\ch răt tơmam drăm tơ\ 2 tơdrong choh pơtăm păng rong kon tơrong. Tơdrong tơroh jang noh hơp tak xăh, khul jang hơp tak xăh choh jang xa tơroh hăm dôm anih jang, tơ 'ngla bơngai jang axong tơmam drăm, te\ch răt tơmam drăm, pơm tơle\ch dăh mă pơm tơle\ch tơguăt hăm te\ch răt tơmam choh pơtăm. Tôm tơdrong pơkăp pơm jang, vei lăng, io\k yua, vei xơđơ\ng tơmam drăm adoi đei pơm tơle\ch păng hơlen kơjăp, vei xơđơ\ng tơmam pơm tơle\ch gơh 'lơ\ng kơjăp. Gơnơm đơ\ng noh, anih jang mu\k drăm hơto\k tơ iung, kon pơlei xơđơ\ng pơm jang; tơdrong tơguăt roi năr roi kơjăp xơđơ\ng.

            Hơdăh noh tơdrong tơguăt pơm tơle\ch păng te\ch tơmam drăm đơ\ng ka phê che rơgoh 'lơ\ng đơ\ng Khul hơp tak xăh jang ka phê che thôn Bê Rê (xăh Đăk Choong, apu\ng Đăk Glei) hăm Hơp tak xăh Choh jang xa păng Te\ch pơdro choh jang kiơ\ trong 'nao Bắc Tây Nguyên Farm (xăh Đăk Hring, apu\ng Đăk Hà) hăm hơgăt xă hloh 100 ha. Hơp tak xăh Bắc Tây Nguyên Farm pơtho kih thuơ\t pe\ plei đum păng răt ka phê đum đei hloh 98%, kơjă răt kăp hloh kơjă lơ\m tơring noh 500 hlj minh k^; bơngai jang lơ\m Khul hơp tak xăh đei xơnong pơm jang kiơ\ pơkălkih thuơ\t vă te\ch tơle\ch ka phê lơ\m tơring xơđơ\ng [lep pơkăp hưuh kơ.

            Vă pơjing păng hơto\k hơnăn ka phê Đăk Hà, khei năr âu ki, apu\ng Đăk Hà, dêh char Kon Tum hlôi tơgu\m pơjing tơdrong tơguăt jang hăm te\ch tơle\ch tơmam drăm ka phê vo#i xơđơ\ng 'lơ\ng kiơ\ tơchơ\t 4C, UTZ.

            Dang ei, ja#p apu\ng Đăk Hà đei 750 ha ka phê lơ\m tơring kơ dôm xăh Đăk Mar, Hà Mòn, Đăk Ngọc, Đăk Hring, Đăk Long păng th^ tra#n Đăk Hà tơguăt pơm jang kiơ\ tơchơ\t hưuh kơ VietGap, io\k jang kiơ\ trong tơruih đak hăm kơmăi 'nao, răt tơmam drăm hăm kơjă kăp hloh lơ\m tơring. Rim anih jang mu\k drăm, hơp tak xăh jang te\ch pơdro tơguăt hăm khul unh hnam, hơp tak xăh pơgơ\r pơm jang, io\k yua, vei lăng, pơm tơle\ch kiơ\ [lep pơkăp hưuh kơ. Gơnơm đơ\ng noh, tơmam mă dôm hơp tak xăh, anih jang mu\k drăm pơm tơle\ch păng te\ch lơ\m tơring adoi vei xơđơ\ng tơdrong 'lơ\ng, đei kon pơlei lăp yua, p;ơyua lơ ăn bơngai răt yua păng bơngai choh jang.

            Atu\m hăm ka phê, dôm xơnăm tơje# âu, tơdrong tơguăt pơtăm kơtao đơ\ng Anih jang Kôh phân Kơtao Kon Tum păng minh [ar anih hơp tak xăh lơ\m tơring kơ plei tơm Kon Tum, apu\ng Đăk Tô to\k bo\k đei pôk bơnê. Kiơ\ kơ noh, kon pơlei rim hơp tak xăh đei Anih jang tơgu\m găh teh, pơtho găh kih thuơ\t, axong hơdre\ch 'long pơtăm, tơmam pơm jang păng te\ch răt tơmam pơm tơle\ch kiơ\ kơjă xơđơ\ng noh 830 hlj minh k^. Tơdrong mă âu, tơgu\m kon pơlei xơđơ\ng pơm jang, tang găn tơdrong đei yua lơ mă lei hiong kơjă, pơyua xơđơ\ng ăn bơngai pơtăm, anih jang mu\k drăm ưh đei pơxuơ\k pơxuơ\l găh tơring pơm jang.

            {ok Lê Văn Bắc – Kơdră Hơp tak xăh choh jang xa – te\ch pơdro Ngọc Tụ ăn tơbăt: Hơp tak xăh đei 17ha vang tơguăt pơtăm kơtao đơ\ng xơnăm 2018 truh dang ei. Adrol âu ki, tơring teh âu adro# pơtăm [um [lang, rim xơnăm đei yua pơhlom 25 -30 triu hlj minh ha teh jang, mă lei đơ\ng mă tơplih pơtăm kơtao noh đei yua truh 40 – 45 triu hlj minh ha. 'Nguaih kơ noh, đơ\ng tơdrong tơguăt pơm jang, kon pơlei oei đei tơre\k hăm trong jang 'nao păng trong jang atu\m, xơnong jang tơpôl, axong tơdrong pơyua.

            Anih hơdăh lơ\m tơdrong pơjing păng hơto\k dôm tơdrong tơguăt jang, te\ch răt tơmam drăm lơ\m khei năr âu ki lơ\m tơring kơ dêh char Kon Tum noh, atu\m hăm tơdrong hơto\k pran găh pơtăm 'long ko\ng ng^p dơnơm nhen ka phê, kơtao, rim tơring oei tơre\k truh dôm hơdre\ch 'long pơtăm kăp g^t kơ tơring. Tơdrong mă âu ưh adro# tơgu\m pơ 'lơ\ng tơmam drăm kơ dêh char mă oei tơgop pơm tơjur dôm tơdrong răm, ưh đei xơđơ\ng lơ\m tơdrong te\ch răt păng hơto\k kơjă choh jang xa.

            Vă hơto\k tơdrong tơguăt jang đei kơjă kăp g^t lơ\m choh jang xa, dang ei, dêh char Kon Tum to\k bo\k hăt hot hơvơn axong jang găh choh jang xa, mă hăt noh choh jang xa rơgoh 'lơ\ng, choh jang xa kiơ\ trong 'nao; hơto\k pran tơdrong jang kiơ\ khoa ho\k kih thuơ\t lơ\m choh jang xa, hơto\k pơ 'lơ\ng tơmam drăm, tơguăt hăm hơnăn tơmam drăm đei pơm tơle\ch vă hơto\k tơdrong pran tơgar lơ\m te\ch răt tơmam drăm pơm tơle\ch lơ\m tơring; hơto\k rong nhu\ng kiơ\ pơkăp ako\m, rơgoh; pơ 'lơ\ng dôm anih jang hơp tak xăh, khul hơp tak xăh vă pơjing anih tơm tơroh hăm dôm anih jang mu\k drăm tơguăt hăm tơdrong jang hadoi, tơguăt hăm tơring te\ch răt tơmam drăm.

            Jăh vă akhan, dôm tơdrong đei jơnei lơ\m tơdrong pơjing păng hơto\k tơguăt pơm jang, te\ch răt tơmam choh jang xa lơ\m khei năr âu ki jing trong tơm pơm jang vă Anih choh jang xa păng dôm tơring lơ\m dêh char pơtoi pơih xă tơdrong tơguăt pơm tơle\ch tơmam drăm xơđơ\ng rơgoh, hơyak truh tơdrong pơm tơle\ch tơmam drăm 'nao hơto\k kơjă kăp g^t tơmam pơm tơle\ch đei.

Lan chih păng rapor