VOV4.Bahnar - Kiơ̆ Anbih tơm vei lăng choh jang xa păng atŏk tơ iung tơ ring tơ rang, hlŏh 9 khei, jên tĕch tơ mam đơ̆ng choh jang xa, ‘long ka hơ dang tơ̆ tĕh đak đe pơ hlom dang 40,8 ti đô la Mi, tŏk 15,2%. Kiơ̆ kơ ‘nŏh kơ jă tĕch lơ hlŏh kơ răt iŏk hăm tơ mam đơ̆ng choh jang xa, ‘long, ka hơ dang đei dang 6,9 ti đô la Mi, lơ hlŏh 2 ‘măng pơ têng hăm khei âu sơ năm sơ̆. Jô̆ atŭm 9 khei, grŭp tơ mam đơ̆ng choh jang xa đei, tơ̆r ‘long păng ka hơ dang tĕch tơ̆ tĕh đak đe tŏk ngăl.

Truh dang ei, lơ̆m anih choh jang xa đei 7 tơ mam, grŭp tơ mam đei kơ jă tĕch tơ̆ teh đak đe hlŏh 2 ti đô la Mi ‘nŏh Cheh phe, cao su, phe, ‘nhot, plei ‘long, găr điêu, hơ dang, tơ mam đơ̆ng tơ̆r ‘long. Lơ tơ mam đei kơ jă tĕch tơ̆ teh đak đe lơ hlŏh kơ khei âu sơ năm sơ̆ đei: chĕh phe, cao su, phe, tiu, ƀum ƀlang păng ƀôt ƀum, ka tra, hơ dang, tơ̆r ‘long păng tơ mam pơm đơ̆ng tơ̆r ‘long…Lơ̆m nŏh, 1 kơ sô̆ tơ mam tŏk lơ mưh tĕch tơ̆ teh đak đe gơ nơm kơ jă tŏk nhen chĕh phe tŏk vă jê̆ 22%, găr tiu tŏk hlŏh 30%... Găh teh đak răt tơ mam, Mi oei hơ nơ̆ng jing tĕh đak răt iŏk tơ mam lơ hlŏh đơ̆ng Việt Nam, iŏk đei loi 10,5 ti đô la Mi, đơ̆ng rŏng kơ ‘nŏh jĭ Trung Quốc, Nhật Bản, Hàn Quốc…

VOV/Dơ̆ng tơ blơ̆