VOV4.Bahnar - Anih vei lăng găh bri ‘long, Anih tơm vei lăng găh choh jang sa păng hơ tŏk tơ iung tơ ring tơ rang tơ băt, kơ jă tĕch tơ mam tơ̆r, ‘long tơ̆ teh đak đe khei 7 jô̆ pơ hlom iŏk đei 1,41 ti đô la Mi, jur 5,5% pơ têng hăm khei 6 păng jur 1,6% pơ têng hăm khei ‘nâu kơ sơ năm sơ̆. Mă đơ̆ng thoi noh ră, jô̆ atŭm 7 khei âu ki, kơ jă tĕch tơ̆r ‘long tơ̆ teh đak đe oei tŏk 1,3% pơ têng hăm khei ‘nâu kơ sơ năm hơ drol, jô̆ pơ hlom iŏk đei 10,42 ti đô la Mi.  Lơ̆m  7 khei, ‘long păng tơ̆r tĕch tơ̆ 110 teh đak. Lơ̆m noh dôm anih tĕch mơ dro nhen: Mi, Nhật Bản, Trung Quốc, jơ nŭm Châu Âu, Hàn Quốc hơ nơ̆ng jing dôm anih tĕch mơ dro tĕch teh đak đe tơm, đei 90% akŏp kơ jă tĕch tơ̆ teh đak đe kơ lơ̆m teh đak. Hơ drô̆ anih tĕch mơ dro Mi, anih tĕch mơ dro iŏk đei lơ kơ jă tĕch tơ̆r ‘long teh đak đe lơ hloh hlôi đei tơ jur lơ hăm 4,9% pơ têng hăm khei ‘nâu kơ sơ năm hơ drol kơ na dui kiơ̆ tơ drong jang tŏk tĕch tơ̆r ‘long tơ̆ teh đak đe đơ̆ng blŭng sơ năm truh dang ei....

Thuem: Tơ blơ̆