“Xơnăm 2023, Việt Nam axong pơm kiơ̆ tơdrong pơkăp pơtăm tơ-'măl ka phê păng hơtŏk ka phê kăp gĭt pha kơdih”.

 Jang ka phê đei jơnei pơkăp kăp gĭt kơdih

'Nâu jing xơnong jang dơnơm đei tơlĕch ăh hop akŏm Jơnŭm axong jang ka phê rim xơnăm 2022 kơyuơ Anih Pơkăp tơlĕch Trong hơtŏk choh jang xa tơring pơxĕl jang hadoi hăm Anih tơm Choh pơtăm păng Hơtŏk tơring pơxĕl pơgơ̆r ăh năr (26/10), tơ̆ dêh char Đăk Lăk. Đơ̆ng rŏng jê̆ 10 xơnăm pơm jang, Jơnŭm axong tơmam drăm ka phê Việt Nam tơgop hơtŏk pơ 'lơ̆ng pơgar ka phê kră ưh đei lơ plei vă pơtăm tơ 'măl ka phê, pơm kiơ̆ pơkăp choh jang xa kơjăp xơđơ̆ng kiơ̆ tơdrong jang ka phê 'lơ̆ng, hơtŏk kơjă ka phê đơ̆ng pơkăp ka phê kăp gĭt pha kơdih. Tơ̆ hop akŏm, rim bơngai tang hlôi akŏm pơma đam, tơroi tơgop dôm tơdrong rơgei lơ̆m hơtŏk ka phê Việt Nam kơjăp xơđơ̆ng lơ̆m khei năr truh. Anih axong jang ka phê Việt Nam hlôi jang kiơ̆ tơdrong tơlĕch ăn xơnăm 2023, akŏm pơtăm tơ-'măl ka phê păng hơtŏk ka phê kăp gĭt kơdih vă đei jơnei pơkăp truh xơnăm 2025, gô đei 107.000 hectar ka phê pơtăm tơ-'măl păng 11.500 ha ka phê kăp gĭt kơdih hăm tơdrong đei yua  5.000 tâ̆n.