VOV4.Bahnar - Anih tơm vei lăng choh jang xa păng atŏk tơ iung tơ ring tơ rang ‘nao đei hla ar chih gơih ăn Anih tơm vei lăng jên hu găh tơ drong iŏk yoa phŏng sơ năm 2021, tơ dra hơ drol tơ drong vă răt yoa phŏng lơ̆m tĕh đak sơ năm 2022. Kiơ̆ kơ ‘nŏh, Anih tơm vei lăng choh jang xa păng atŏk tơ iung tơ ring tơ rang athei Anih tơm vei lăng jên hu tơ chĕng hơ len trong thuê̆ tĕch tơ̆ tĕh đak đe hăm dôm kơ loăi phŏng urê, phŏng DAP, MAP păng jang hơ doi hăm dôm anih tơm, anih jang kơ pal tơ lĕch đei trong vei lăng tơ drong tĕch tơ̆ tĕh đak đe hăm dôm kơ loăi phŏng urê, DAP, MAP vă vei kơ jăp tơ drong pơ truh phŏng lơ̆m tĕh đak ƀât mă phŏng oei ưh kơ măh nhen hrei ‘nâu, kơ jă phŏng lơ̆m apŭng plenh tĕh păng tơ̆ tĕh đak bơ̆n oei hŏk hơ nơ̆ng, ưh tom băt, pơm ưh ‘lơ̆ng truh tơ drong choh jang xa, kơ sư̆k pơ jei đơ̆ng tơ mam choh jang xa păng tơ dỏng arih xa kơ kon pơ lei, mă loi ƀât mă oei tơ ƀâp mơ mat tat yoa đơ̆ng tŏ ‘mi kial kơ nê̆, pơ rang jĭ đunh. Tơ̆ hơ năp kơnh, anih tĕch mơ dro phŏng oei đei lơ tơ drong ưh sơ đơ̆ng, ưh gơ̆h băt hơ drol găh kơ jă păng kơ sô̆ tơ mam đei tơ lĕch tĕch.

Dơ̆ng: Tơ blơ̆