Đơ̆ng blŭng sơnăm truh dang ei, jĭ klak chroh nhŭng châu Phi hơnơ̆ng đei ƀôh krê hơmơt tơ̆ lơ tơring. Truh hơtuch khei 4, jĭ đĭ đei ƀôh tơ̆ 26 xăh, phường, athei soh hŭt hloh 2.100 tŏ nhŭng. Hơdai hăm ‘noh, anih jang vei lăng găh vei rong kon tơrong Đắk Lắk oei tơjră hăm hơmơt đơ̆ng yŏng jĭ rơka ƀơ̆r tơplŏ kơchôp serotype SAT1.

Lơ̆m teh đak pơma atŭm, dêh char Đắk Lắk pơma hơdrô̆ kăl kơ hơ tŏk loi dơ̆ng tơlĕch jang dôm trong jang dăr hơlen pơrang jĭ, vei lăng kơjăp tơdrong chơ chuĕn kon tơrong păng tơmam kon tơrong kiơ̆ tơring sơlam; hơdai hăm pơgơ̆r iŏk tơmam hơlen lăng, chă ƀôh hrôih dôm kon tơrong jâu đei jĭ. Kiơ̆ kơ Anih vei lăng găh Choh jang sa păng Cham char dêh char Đắk Lắk, anih jang tŏk bŏk kơchăng răp hơlen đei ƀôh pơrang jĭ, pơtho kon pơlei tơlĕch jang dôm trong tang găn tơtom.