VOV4.Bahnar - ‘Năr 16/9, Jơ nŭm vei lăng kon pơ lei jang chŭn mir dêh char Dak Lak pơ gơ̆r Hop akŏm “ kon pơ lei jang chŭn mir tơ iung tơ drong jang sa, pơ cheh hơ gei lơ̆m khei ‘năr tơ plih kơ sô̆ ‘moi kiơ̆ dôm tơ mam OCOP”. Truh dang ei, dêh char Dak Lak đei 72 tơ mam đei pơ kăp tơ mam OCOP iŏk đei đơ̆ng 3 – 4 hơ nglŏng, găh dôm tơ mam choh jang sa tơm tơ klep hăm tơ mam ‘lơ̆ng, tơ drong pran kơ tơ ring nhen cheh phe, tiu, ƀơ, sầu riêng. Tơ̆ hop akŏm, dôm bơ ngai tang măt akŏm pơ ma dơ nuh dôm tơ drong tơm ƀơm truh tơ drong băt hơ dăh dôm tơ mam choh jang choh jang sa tơ klep hăm tơ drong pran rim tơ ring vă đei trong tơ ƀôh jang hơ tŏk tơ iung tơ mam mă lăp.

Jơ hop akŏm

Hơ dai hăm, tơ chă tơ drong hiôk vă pơ̆ih să anih tĕch mơ dro, hơ tŏk ‘lơ̆ng hơ năn tơ mam đơ̆ng rim anih jang mưh tơ lĕch jang tơ drong jang OCOP. Dôm bơ ngai tang măt kŭm lui ngeh tơ plih kơ sô̆ lơ̆m choh jang sa ‘noh jĭ kăl hloh, tơ gŭm tơ drong tơ lĕch ăn trong jang tơ gŭm păng iŏk yua jên đei ‘lơ̆ng hloh; tơ gŭm hơ tŏk ‘lơ̆ng iŏk yua pơm tơ lĕch păng tĕch mơ dro, hơ dai hăm pơm đei kơ jă kăp gĭt đơ̆ng tơ mam choh jang sa kơ jăp.

Thuem: Tơ blơ̆