VOV4.Bahnar - Kơ chăng rei pơ tăm trŏ pơ yan, iŏk yoa đak lăp ‘lơ̆ng kơ na apŭng Ea Kar dêh char Dak Lak oei vei lăng ‘lơ̆ng ăn tơ drong bluh vơ̆ đơ̆ng dôm kơ loăi ‘long pơ tăm lơ̆m pơ yan tŏ phang.

Kiơ̆ Anih vei lăng choh jang xa păng atŏk tơ iung tơ ring tơ rang Ea Kar, lơ̆m apŭng đei dang 50 rơ bâu ha ‘long pơ tăm kăl đei đak tơ ruih. Lơ̆m nŏh đei 9.500 ha ƀa oei hnông huăt, vă jê̆ 6.600 ha chĕh phe oei vă kơ tĕn plei.

Hăm tơ drong kơ chăng ‘mơ ‘met đak tơ̆ 20 tŏ dơ nâu đơ̆ng blŭng pơ yan, Nguyễn Tiến Sĩ, Kơ dră chĕp kơ̆l Công ty vei lăng dơ nâu đak apŭng Ea Kar ăn tơ băt, anih oei vei lăng măh mai đak kơ plăh dang ei păng ưh ăn đei ưh kơ măh đak ƀât hơ tuch pơ yan.

Dơ̆ng: Tơ blơ̆