VOV4.Bahnar - Pơgê năr 1/7, tơ̆ Cần Thơ, Dơnŏ anĭh tơm vei lăng Chŏh jang sa păng Atŏk tơ iung tơring tơrang pơgơ̆r Hop akŏm Hop akŏm atŏk kơtang tĕch mơdro tơ̆ châu Âu tơmam drăm chŏh jang sa ‘long ka hơdang kơ tơring Tơmăn đak kroong Cửu Long. 

Rup hop akŏm

Trŭh dang ei, hơnĭh tĕch mơdro tơ̆ EU ‘nŏh mĭnh lơ̆m 4 hơnĭh tĕch mơdro tơmam drăm chŏh jang sa ‘long ka hơdang lơ hlŏh kơ Việt Nam păng EU jei jing mĭnh lơ̆m 3 hơnĭh răt iŏk tơmam drăm chŏh jang sa ‘long ka hơdang lơ hlŏh apŭng plĕnh tĕh. Việt Nam jei jing 1 lơ̆m 4 tĕh đak châu Á kĭ pơkăp Tơchơ̆t mơdro sa hiôk hian hăm EU. Kơ yuơ lơ lŏh, tơdrong rơvơn vă iung jang lơ̆m hơnĭh mơdro sa EU tih tên, tơgop atŏk đei iŏk yua kơ jăp hlŏh, tơ iung pơjing hơnăn tơmam drăm chŏh jang sa kiơ̆ trong kơ jăp ‘lơ̆ng, tơgŭm tơplĭh jơhngơ̆m đon tơchĕng đơ̆ng “chŏh jang sa jing mŭk drăm chŏh jang sa”. Trong tơlĕch jang trŭh sơnăm 2030 kơ jă tech mơdro tơmam drăm chŏh jang sa ‘long ka hơdang tơ̆ EU iŏk đei đơ̆ng 7 ti 500 trĭu trŭh 8 ti dolar, tơmam drăm tĕch mơdro tơ̆ EU jơnei 50% păng gơ̆h tĕch mơdro trŭh hăm bơngai răt yua tơ̆ EU jơnei 30%.

Tơblơ̆ nơ̆r: Amazưt