VOV4.Bahnar – Lơ\m khei năr pơrang j^ Covid 19 oei hơbuh hli noh tơdrong tơplih jang 'nao lơ\m choh jang xa gô tơgu\m ăn bơngai jang mir, jang pơgar, jang hơp tak xăh, anih jang mu\k drăm hơto\k pơ 'lơ\ng tơmam pơm tơle\ch, pơ 'lơ\ng tơdrong pơm jang. Atu\m hăm noh gô tơjur jên huach jang, hơto\k pơyua hloh, vang jang tơnăp hloh lơ\m hơto\k kơjă. Mă lei, dang ei tơdrong mă âu duh oei tơle\ch jang adar.

          Xơnăm 2021, mă pơtoi [ơm lơ tơnap tap kơyuơ đơ\ng pơrang j^ COVID-19, pơrang lơ\m kon tơrong adoi oei [ôh lơ, kơjă, tơdrong te\ch tơle\ch minh [ar tơmam choh pơtăm tam mă xơđơ\ng mă lei dôm tơdrong chih ako\m đơ\ng anih choh jang xa dêh char Đăk Lăk adoi đei yua hloh pơkăp. Lơ\m noh, kơjă tơmam choh pơtăm, jang găh bri, ka hơdang to\k 3,75% pơtêng hăm xơnăm 2020 (hơto\ 1,33 'măng pơtêng hăm pơkăp ja#p teh đak). Pơrang hăm 'long pơtăm, kon tơrong mă kăl noh hlôi ke\ tang găn. Dôm tơdrong đei jơnei âu hlôi tơgop kăp g^t lơ\m hơto\k tơ iung păng hơto\k mu\k drăm – tơpôl atu\m kơ dêh char.

          {ok Nguyễn Hoài Dương kơdră Anih Choh jang xa păng Hơto\k tơring pơxe\l dêh char Đăk Lăk ăn tơbăt, anih jang hlôi chih Pơkăp tơplih jang hăm kơmăi kơmo\k 'nao lơ\m choh jang xa. Kiơ\ kơ noh, xơkơ\t 24 tơdrong/xơnong jang kăl athei tơle\ch jang đơ\ng xơnăm 2021-2025, đei dôm tơdrong jang: choh pơtăm, rong kon tơrong, ka hơdang, jang găh bri, pơnơ\ đak, vei lăng tơdrong 'lơ\ng choh pơtăm jang bri păng ka hơdang, Hơto\k tơring pơxe\l, tơring tơrang 'nao, OCOP... păng lơ\m tơdrong io\k jang gô pơtoi hơlen hơmet keh kong. Lơ\m xơnăm 2022 pơtoi adrin hơto\k pran tơdrong choh jang xa, tơle\ch păng jang kho\m mă đei tơchơ\t hơto\k  4,56%. {ok Nguyễn Hoài Dương tơroi: “ 'Nâu jing tơchơ\t kơjung hloh lơ\m khei năr âu, mă lei anih choh jang xa hlôi xơkơ\t athei ako\m tơnăp vă đei jơnei tơchơ\t âu. Mă kăl găh tơdrong tơm dơnơm, noh pơm jang drơ\ng minh pơkăp hơmet choh jang xa kiơ\ pơkăp hơto\k tơ iung kơjăp xơđơ\ng. Đơ\ng dêh char truh apu\ng truh tơ\ xăh jang hơdăh vă tơle\ch pơm jang đei jơnei”.

        Khei năr âu ki, lơ anih jang mu\k drăm, hơp tak xăh, var pơgar, unh hnam lơ\m ja#p teh đak hlôi io\k yua kơtang tơroi tơbăt lơ\m vei lăng păng pơm jang, te\ch pơdro; tơblang tơdrong kăl găh teh, cham char hơyuh to# 'mi, tơm a hla chă, tơdrong kăl yua lơ\m tơring. Mă lei, tơdrong tơplih jang 'nao lơ\m choh jang xa, tơring pơxe\l duh tam mă drơ\ng minh, tam mă pơjing dôm tơdrong kăp g^t kơ choh jang xa kiơ\ trong 'nao, tơring tơrang 'nao. 'Nguaih kơ noh, choh jang xa, tơring pơxe\l Việt Nam tam mă đei tơroh jang kiơ\ trong 'nao păng tôm tong kiơ\ pơkăl đơ\ng tơplih jang 'nao ăn tơdrong pơm jang, ưh đei tơroh đơ\ng dôm tơdrong pơm jang, vei hơlen, logistics, te\ch tơle\ch tơmam choh pơtăm; tam mă pơm trong hiôk ăn choh jang xa tơ\ tơring ataih yaih, tơring tơnap tap tơroh kơtă hăm tơdrong te\ch pơdro lơ\m kơpal teh. {ok Nguyễn Trí Ngọc, Pho\ Kơdră jang hloi Tổng thư k^ Jơnu\m tơm Choh jang xa păng Hơto\k tơring pơxe\l Việt Nam ră hơdăh:  “Tơplih jang kiơ\ trong 'nao hăm choh jang xa dang ei adoi oei adar, minh tơdrong choh jang xa hadoi lơ\m kơpal teh roi năr roi pơih xă, mă lei hăm tơdrong jang răh rai, noh ưh kơ [lep ôh. Kơyuơ noh 'meh hơto\k kơjă kăp g^t ăn bơngai jang hơdăh hloh athei đei trong jang kăp g^t noh athei tơplih lơ\m choh jang xa. Kơyuơ noh pơm keh đang tơdrong âu noh kăl minh trong jang hơdăh ưh kơx^ minh tơdrong jang hmă đe\ch ôh”.

Rim bơngai juăt jang akhan, vă hơto\k tơplih choh jang xa kiơ\ trong 'nao kăl io\k yua trong hiôk đơ\ng tơdrong Kăch mạng ko\ng ng^p 4.0, hơvơn pơm jang tơplih 'nao gơh rơgei lơ\m tơdrong choh jang xa kiơ\ trong 'nao, choh pơtăm hơbe\ch hưuh kơ, ko\ng nge# sinh ho\k, hơto\k jang ko\ng ng^p, te\ch pơdro tơ\ tơring pơxe\l. Atu\m hăm noh, chih ako\m, keh đang trong pơkăp, khôi luơ\t teh đak găh tơplih trong jang 'nao tro\ hăm tơring jang te\ch pơdro xơkơ\t xăh ho#i chuh nghĩa. Atu\m hăm noh, athei tơre\k pơtho bơngai jang rơgei tro\ hăm tơdrong pơkăl đơ\ng anih jang mu\k drăm, hơp tak xăh. {ok Nguyễn Duy Hưng, Pho\ Kơdră Anih jang Mu\k drăm Trung ương pơtruh nơ\r: “Tôm tơdrong vang jang kiơ\ pơkăp tơplih 'nao đơ\ng anih jang chih pơkăp trong jang truh tơ\ rim kon pơlei, anih jang mu\k drăm, anih jang hơlen... kăl atu\m jơhngơ\m vă pơm kiơ\ tơdrong pơkăp tơplih 'nao. Atu\m hăm noh, dôm hla bar chih tơm noh kăp g^t – mă kăl lơ\m tơdrong choh jang xa tơring pơxe\l, đei dôm hla bar pơkăp găh teh, hơyuh to# 'mi, kon tơrong, 'long pơtăm... tôm hla bar chih kăp g^t vă pơm trong hơto\k kiơ\ trong jang 'nao gơh rơgei, kơyuơ noh kăl keh đang lơ\m khei năr truh”.

Lan chih păng pơre nơ\r