
‘Nŏh jĭ: HTX ‘long pơgang Hoàng Hiểu Tu Mơ Rông tơ̆ xăh Đăk Hà, apŭng Tu Mơ Rông; Grŭp jang hơdoi pơtăm Sâm Ngọc Linh Đăk Xây tơ̆ xăh Xốp, apŭng Đăk Glei; unh hnam ƀok A Sỹ, A Chung tơ̆ xăh Tê Xăng păng Măng Ri, apŭng Tu Mơ Rông dang ei oei pơtăm 5.800 tŏ sâm Ngọc Linh đơ̆ng 6 sơnăm tŏk tơ̆ kơpal.

Ƀok Huỳnh Trung Kim, Phŏ Kơdră Anih jang Khoa hŏk păng kơmăy kơmŏk dêh char Kon Tum ăn tơbăt, truh dang ei anih jang hlôi ƀơk Hla ar chih tơbăt tơring teh “Ngọc Linh” hăm sâm ƀum ăn 13 khul grŭp păng lơ bơngai pơtăm. Adrol kơ ƀơk, anih jang hlôi jang hơdoi hăm Anih vei lăng choh jang xa păng cham char, Anih vei lăng kon pơlei dôm apŭng păng xăh pơgơ̆r dăr lăng, chih hơdăh kơsô̆ teh, sơnăm ‘long sâm tơ̆ rim tơring vă athei pơm ăn hla ar chih hơgăt teh pơtăm. Atŭm hăm ‘nŏh iŏk tơblang ADN mưh ƀôh trŏ jĭ sâm Ngọc Linh ‘noh pơm ăn hla ar hơgăt teh “Ngọc Linh”.
Viết bình luận