VOV4.Bahnar – Tơ̆ dêh char Kon Tum lơ̆m 2 khei kơ âu hlôi đei jê̆ 30.000 tơm sâm Ngọc Linh lôch răm. Tơdrong tơm đei xơkơ̆t noh kơyuơ pơrang, hơnguă ƀoh păng 'mi prĕl pơrăm.

Kiơ̆ jô̆ hơlen đơ̆ng Anih vei lăng kon pơlei apŭng Tu Mơ Rông, dêh char Kon Tum ăn ƀôh, tơ̆ tơring pơtăm sâm Ngọc Linh 3 xăh kơ apŭng noh: Măng Ri, Tê Xăng păng Ngọc Lây đei hloh 29.100 tơm sâm lôch răm kơyuơ pơrang pơrăm. Lơ̆m noh xăh Măng Ri đei kơsô̆ răm lơ hloh hăm jê̆ 20.200 tơm. 'Nguaih kơ noh tơ̆ 2 xăh Măng Ri păng Đăk Sao đei hloh 650 tơm sâm lôch kơyuơ 'mi prĕl. Kiơ̆ tơdrong hơlen, pơrang pơrăm tơm sâm Ngọc Linh 'nao tŏk minh xơnăm lơ̆m pơgar ơng. Đei hơgăt tơm sâm Ngọc Linh ƀơm pơrang đei truh 30%. Anih jang găh 'long pơtăm păng Vei lăng 'long pơtăm dêh char Kon Tum duh tơroi hăm kon pơlei dăh đei trong tang găn mă trŏ ƀlep.

Lan chih păng pơre nơ̆r