Kon Tum pơtơm iŏk yua pơnơ̆ đak 'nao Đăk Pokei
Thứ tư, 08:15, 28/05/2025
Lan chih tơblơ̆
Lan chih tơblơ̆
VOV4.Bahnar - Tơdrong ming man pơnơ̆ đak 'nao Đăk Pokei đei ming man tơ̆ tơring teh Đăk Ruồng, apŭng Kon Rẫy, dêh char Kon Tum hlôi keh đang păng tŏk bŏk oei pơm hla bar vă pơjao iŏk yua.
Tơdrong ming man đei kơsô̆ jên asong 553 tih hlj, 'măn ruih đak ăn 2.000ha 'long pơtăm, lơ̆m noh đei 200ha ƀa na păng 1.800ha 'long pơtăm nai, 'nhot ou to. 'NGuaoh kơ noh oei pơkăp 'măn tơjur ƀiơ̆ đak hơbông păng asong đak sŏ nhă ăn pơhlom 35.000 'nu kon pơlei lơ̆m apŭng Kon Rẫy păng pơlei tơm Kon Tum.
Kiơ̆ tơlĕch jang, tơdrong ming man athei keh đang đơ̆ng sơnăm 2020. Tơdrong tơm pơm ăn tơdrong ming man pơnơ̆ đak truh dang ei pơtơm keh đang noh kơlih ming man tơ̆ tơring teh tơnap tap, tơdrong jang sơkơ̆t gah cham char păng hrŭ teh iŏk ming man ƀơm lơ tơnap tap.
Viết bình luận