VOV4.Bahnar – Pơyan pơm jang xơnăm âu, rim hnam kơmăi ot pŭk ƀum ƀlang tơ̆ dêh char Kon Tum tŏk bŏk oei kơƀah ƀum ƀlang 'măn ot. Xơnăm âu dêh char Kon Tum đei hơgăt pơtăm ƀum ƀlang hloh 39.300ha, hăm tơdrong pơyua đei pơhlom 15 tâ̆n lơ̆m 1 ha.

'Nguaih kơ noh ƀum ƀlang ƀơm pơrang honh hla pơrăm truh tơ̆ ƀum, minh ƀar hơgăt kon pơlei pơtăm athei rô̆ hŭt lê̆. Dêh char Kon Tum dang ei đei 8 hnam kơmăi ot pŭk ƀum ƀlang, tơdrong mă hnam kơmăi âu ưh kơ măh ƀum ƀlang vă ot noh ƀôh lơ. Ƀok Nghiêm Đức Thuần, Kơdră tơm kơ Kŏng ti Tĕch răt tơmam drăm choh pơtăm hăm teh đak đe Vina ăn tơbăt: Ƀum ƀlang đei 15 tấn/1ha noh tŏ xĕt noh ưh kơ măh ăn hnam kơmăi pơm jang. Rim hnam kơmăi athei năm truh dêh char nai phŏ năm truh teh đak Lào vă răt ƀum 'nhăk vih rŏl ot. Rim xơnăm 8 hnam kơmăi ot pŭk ƀum ƀlang tơ̆ dêh char Kon Tum pơm tơlĕch đei pơhlom 320.000 tâ̆n pŭk ƀum.

VOV Tây Nguyên/Lan tơblơ̆