Phŏ Thủ tướng Trần Hồng Hà sơkơ̆t hơdah: tơdrong Jang hadoi tôm tơdrong đơ̆ng Việt Nam păng Nhật Bản roi năr roi hơtŏk, jing tơdrong kăp gĭt vă hơtŏk tơdrong jang hadoi mŭk drăm kơ 2 teh đak đei jơnei tih tên, tôm tơdrong. Việt Nam hơnơ̆ng sơng drơ̆ng păng bơnê kơ tơdrong mă rim anih jang mŭk drăm kơ teh đak Nhật Bản, tơgop pơm kiơ̆ dôm tơchơ̆t jang hadoi kơ 2 teh đak.

Tơ̆ jơ sơng, Phŏ Thủ tướng Trần Hồng Hà hlôi pơma dơnuh gah tơdrong tơlĕch jang đơ̆ng Sumitomo asong Ming man hnam kơmăi unh hơyuh tuabin khĭ LNG Vân Phong 2; sek tơlang dôm tơdrong tơnap tap, tơhlăk tơhlĭn vă dah hrôih tơmơ̆t jăl Metro kơsô̆ 1 (Bến Thành-Suối Tiên) tơ̆ pơlei tơm Hồ Chí Minh gơh pơm jang.