Anih jang vei rong kon tơ rong dang ei đei 25,2% lơ̆m akŏp kơ jă đơ̆ng anih jang choh jang sa. Lơ̆m dôm sơnăm âu ki, anih jang vei rong kon tơ rong Việt Nam iŏk đei lơ hơ yak năm gĭt kăl tŏk pơ đĭ găh iŏk yua păng ‘lơ̆ng tơ lĕch ăn tơdrong hơ iă ăn anih jang vei rong kon tơ rong tơ mam hơ tŏk tơ iung hăm tơdrong vang jang đơ̆ng lơ anih mơ dro sa tih, yak blŭng pơ jing dôm tơdrong jang hơ dai lơ̆m pơm tơlĕch păng tĕch tơ̆ teh đak đe tơ mam vei rong kon tơ rong.

Phŏ kơ dră tơm Phùng Đức Tiến apĭnh ưh kơ lê̆ Khŭl jang, anih jang mơ dro sa hơ yơ dơ̆ng tơ̆ ‘ngoăih trong pơm hơ tŏk kơ jă đơ̆ng anih rong kon tơ rong

Ƀok Nguyễn Thanh Sơn, Kơ dră Khŭl jang vei rong kon tơ rong Việt Nam akhan, kăl kơ set hơ len dơ̆ng tơ drong jang hơ dai ‘lơ̆ng đơ̆ng anih jang vei lăng teh đak hăm dôm Khŭl jang vă hơ met pơ ‘lơ̆ng dôm tơdrong mơ mat tat, tơlĕch dôm trong jang yak truh pơ jing rim naih jang tơ mam lơ̆m kơ jă đơ̆ng tơdrong jang vei rong kon tơ rong, lăng kăl hơ tŏk ‘lơ̆ng tơ mam vei rong kon tơ rong. Dôm pang ƀơm truh kăl kơ tơ oei dơ̆ng hăm băl rim khei, pơm tơ roi tơ băt vă tơ gŭm anih jang mơ dro sa tơ tom hơ met pơ ‘lơ̆ng mơ mat tat, pơ trŭt rim anih jang lơ̆m tơdrong jang tơ mam lơ̆m tơdrong jang vei rong kon tơ rong hŏk tơ iung.