VOV4.Bahnar - Kơsơ̆ năr 7/10, Anih Pơtrŭt choh jang xa kơ teh đak jang atŭm hăm Anih Choh jang xa păng Hơtŏk tơring pơxĕl dêh char Quảng Trị pơgơ̆r pơma đam tơroi găh hlôh vao chih akŏm pơkăp pơm jang Khul pơtrŭt choh jang xa pơlei pơla.

Tơchơ̆t hơdăh kơ tơdrong chih akŏm pơkăp jang ăn Khul pơtrŭt choh jang xa pơlei pơla pơm trŏ tơdrong pơkăl tơmam drăm pơm jang kiơ̆ pơkăp tơ̆ 13 dêh char, pơlei tơm lơ̆m jâ̆p teh đak, đơ̆ng rŏng kơ noh, pơih xă dôm dêh char nai. Tơ̆ pơkăp pơm jang Anih Choh jang xa păng Hơtŏk tơring pơxĕl dêh char Quảng Trị tơbang Tơchơ̆t pơjing Khul pơtrŭt choh jang xa pơlei pơla tơring Hải Lăng – Triệu Phong  Khul pơtrŭt choh jang xa pơlei pơla tơring Vĩnh Linh – Gio Linh – Cam Lộ. Ƀơ̆t 'măng âu, Anih Pơtrŭt choh jang xa kơ teh đak hlôi pơjao 10 tong gre păr ưh đei bơngai vơ̆r ăn 2  Khul pơtrŭt choh jang xa pơlei pơla dêh char Quảng Trị; atŭm hăm noh pơm lêh kĭ pơkăp jang hadoi đơ̆ng Anih Pơtrŭt choh jang xa kơ teh đak, Anih Choh jang xa păng Hơtŏk tơring pơxĕl dêh char Quảng Trị păng Kŏng ti  Tiến Phong Cam Lộ vă hơtŏk tơring pơtăm 'long iŏk tơ̆ trŏ tơchơ̆t

VOV/Lan tơblơ̆ nơ̆r