VOV4.Bahnar - “Akŏm kơtang păng hrơ̆p mĭnh ‘măng rim trong jang tang găn jĭ hơbŭh tơ̆ kon tơrong mă kăl ‘nŏh ka hơdang đơ̆ng blŭng sơnăm hloi” ‘nŏh nơ̆r athei đơ̆ng Kơ iĕng Kơdră chĕp pơgơ̆r Dơnŏ anĭh tơm vei lăng Choh jang sa păng Atŏk tơ iung tơring tơrang Phùng Đức Tiến tơ̆ hop akŏm trư̆k tuyên lơ̆m tĕh đak găh tang găn pơrang jĭ tơ̆ kon tơrong păng ka hơdang đei pơgơ̆r pơgê năr 11/2 tơ̆ Hà Nội. Kiơ̆ kơ ‘nŏh, rim tơring kăl hơmet ăn rim tơdrong vă pơgơ̆r jang kiơ̆ jơnei Tơdrong jang, Trong pơ prŏ jang Tĕh đak găh tang găn jĭ jăn hlôi đei Thủ tướng Tĕh đak kĭ tơchơ̆t. Adoi atŏk kơtang tơdrong tơ iung pơjing hơnih, tơring sơđơ̆ng pơrang jĭ pơm hơnĭh pơtrŭh ăn tơmam drăm sa păng tơgŭm ăn tĕch mơdro tơ̆ tĕh đak đe, tơgop lơ̆m trong tơlĕch jang atŏk kơtang kơ hơnĭh jang chŏh jang sa lơ̆m sơnăm au. Tơ̆ hop akŏm, mĭnh ƀar nơ̆r athei kăl hơmet pơ ‘lơ̆ng tơnap tap găh trong bơ̆ jang ăn kang ƀô̆ jang pơgang vei lăng kon tơrong tơring.

Tơblơ̆ nơ̆r: Amazưt