VOV4.Bahnar - Anih tơm vei lăng choh jang xa păng atŏk tơ iung tơ ring tơ rang ‘nao jang hơ doi hăm Dơ nŏ anih vei lăng kon pơ lei dêh char Dak Lak pơ gơ̆r hop akŏm hơ len năng tơ drong jang pơ tăm ming chĕh phe. 

Bơ ngai jang chŭn mir Dak Lak pơ tăm ming chĕh phe

Đơ̆ng 2014-2020, jơ̆p lơ̆m tĕh đak pơ tăm hơ met ming vă jê̆ 150 rơ bâu ha chĕh phe, lơ hlŏh 30 rơ bâu ha pơ têng hăm trong jang đei tơ lĕch. Plei chĕh phe tơ̆ pơ gar pơ tăm ming tŏk hlŏh 3 tă 1 ha. Hơ drô̆ tơ̆ Dak Lak dang ei đei hlŏh 210.000 ha cheh phe, plei chĕh phe 1 sơ năm hlŏh 520.000 tân găr. Chĕh phe Dak Lak hăm hơ năn păng groi tĕh đei chih tơ băt ‘nŏh “cheh phe Buôn Ma Thuột” đei tĕch tơ̆ hlŏh 80 tĕh đak lơ̆m apŭng plenh tĕh.

Anih tơm vei lăng choh jang xa păng atŏk tơ iung tơ ring tơ rang hơ nơ̆ng kĭ ăn tơ drong jang pơ tăm ming chĕh phe đơ̆ng 2021-2025 hăm tơ drong tơm ‘nŏh hơ tŏk kơ sư̆k pơ jei, kơ jă tơ mam, iŏk yoa ăn bơ ngai pơ tăm chĕh phe. Tĕh pơ tăm chĕh phe kăl pơ tăm hơ met ming jăl ‘nâu, đei chih hơ dăh dang 107.000 ha.

Dơ̆ng: Tơ blơ̆