VOV4.Bahnar - Bơ\ jang tơ drong pơ jei băl “Khul linh vang pơ jing tơ ring tơ rang ‘nao”, đơ\ng sơ năm 2017-2020, dôm kơ đông linh oei tơ\ dêh char io\k jang tơ gu\m ăn 35 xăh pơ jing tơ ring tơ rang ‘nao. Đơ\ng blu\ng sơ năm 2018 truh dang ei, dôm kơ đông linh kơ chăng jang hơ doi kơ jăp hăm rim tơ ring chă hơ len tơ drong vă jang, trong pơ gơ\r jang vă bơ\ jang mă lăp hăm tơ drong ke\ jang đơ\ng rim khul linh, vang tơ gu\m kon pơ lei jang đei jơ nei ‘lơ\ng, tơ gop pơ jing pơ lei pơ la, xăh lăp hăm tơ drong hơ găt tơ ring tơ rang ‘nao. Tơ drong tơ gu\m ăn kon pơ lei pôk r^ hnam oei, pơ jing ming pơ lei pơ la, var hơ met pơ gar, pơm hơ drong… đơ\ng đe kăn [o#, linh tơ\ dôm kơ đông khul linh đei lơ kon pơ lei ‘mêm bơ nê.

Dôm sơ năm âu ki, hnam ‘nho\ng Rơ Mah Bôn, tơ\ plei Sơn, xăh Ia Nan bơ bông bơ bang kơ đei yă kiơ, pơ gar ưh đei var, hnam chă pơ yơ\ng, sơ lu\ng tuh râm re\k ku\m kơ đei. Đei {ô đo#i Công ty 72 krao hơ vơn păng truh tơ gu\m, ‘nho\ng Bôn ‘nao jang đei dôm tơ drong kơ pal. Hơ dai hăm ‘no\h đei {ô đo#i pơ lung, ‘nho\ng Bôn vang chong hơ met ‘ngie\t ju\m dăr hnam păng rok trong vih vât. Hnam ‘nho\ng Bôn pơ ma adro#, plei Sơn pơ ma atu\m nhen đei hru\k ao ‘nao, rơ go\h ‘lơ\ng [iơ\. Hơ dro# unh hnam ‘nho\ng Bôn, găh unh hnam tơ nuh kơ na đei hơ păh ăn 1 pôm rơ mo yo\ng dơ\ng vă rong, jang xa, ‘nho\ng Bôn tôch hơ iă:

“Bơ nê kơ Khul kơ dră pơ gơ\r Công ty 72 tơ gu\m ăn plei Sơn. Công ty rơih plei Sơn vă pơ jing tơ ring tơ rang ‘nao. Gơ nơm công ty tơ le\ch jên jang mă trong pơ lei đei rơ go\h ‘lơ\ng, đei bơ\n hnam chă pơ yơ\ng, sơ lu\ng tuh râm re\k, pơ gar đei var hơ met ‘lơ\ng dơ\ng. Đang kơ ‘no\h công ty oei tơ gu\m rơ mo yo\ng vă jang xa, sut pơ đ^ pơ ngot, tơ jur tơ nuh hin, adrin jang to\k.”

Plei Sơn, xăh Ia Nan, apu\ng Đức Cơ đei dêh char Gia Lai rơih pơm pơ lei kon kông jang pơ long năng tơ drong pơ jing tơ ring tơ rang ‘nao sơ năm 2018. Lơ\m ‘măng tơ gu\m âu, Công ty 72 năng kăl truh tơ drong hơ met pơ ‘lơ\ng cham char, pơm tơ plih um ai pơ lei pơ la. Công ty krao ako\m vă je# 500 ‘nu kăn [o#, bơ ngai jang vang tơ gop rơ bâu năr jang ku\m hăm kon pơ lei hơ met pơ ‘lơ\ng, chong pơ ‘ngoăih trong pơ lei pơ la, sir sơ lu\ng, pơ dơ\ng 220 to\ jrăng bê tông, cho# dăng rơ sô, var pơ gar, pơm hnam chă pơ yơ\ng păng sir sơ lu\ng tuh râm re\k ăn unh hnam kon pơ lei.

‘Ngoăih kơ ‘no\h, đe kăn [o# linh hơ to\k tơ drong tơ roi tơ băt, krao hơ vơn, tơ gu\m ăn kon pơ lei tơ plih ming đon tơ che\ng, trong jang xa, pơm kiơ\ trong oei xa ‘lơ\ng hơ iă. {ok Siu Bình, Kră pơ lei plei Sơn, ăn tơ băt, Công ty 72 vang tơ gop tôch g^t kăl lơ\m tơ drong jang to\k mu\k drăm, pơm tơ plih tơ drong arih xa kơ pơ lei. Lơ bơ ngai lơ\m pơ lei gơ nơm đei pơm công nhân lơ\m công ty mă gơ\h klăih đơ\ng tơ nuh hin. Hrei ‘nâu đei công ty tơ gu\m pơ jing tơ ring tơ rang ‘nao dơ\ng, kon pơ lei tôch hơ iă:

“Công ty 72 lơ ‘măng vang tơ gu\m pơ jing tơ ring tơ rang ‘nao, plei nhôn hơ iă dêh, cham char lơ\m pơ lei dang ei rơ go\h ‘lơ\ng [iơ\, tơ drong arih xa to\k [iơ\ kơ adrol sơ\. Kon pơ lei roi hlôh vao, plei nhôn bơ nê kơ công ty, bơ nê kơ đe ‘nho\ng [ô đo#i chă tơ gu\m ăn mih ma duch nă lơ\m pơ lei”.

Dôm sơ năm tơ je# âu, Công ty tơ [âp lơ mơ mat tat lơ\m tơ drong jang xa, te\ch mơ dro. Kơ jă kơ tăk cao su jur pơm ưh ‘lơ\ng truh tơ drong arih xa kơ đe kăn [o#, công nhân, bơ ngai jang lơ\m công ty. Mă lei, tơ drong tơ gu\m ăn dôm tơ ring bơ\ jang pơ jing tơ ring tơ rang ‘nao, vei kơ jăp tơ drong sơ đơ\ng te\h đak tơ\ tơ ring pơm kơ đông oei, j^ tơ drong jang oei hơ nơ\ng đei công ty tơ re\k, năng kăl. Tơ drong ‘nâu hlôi hơ met kơ jăp jơ hngâm đon pơ vei đơ\ng linh hăm kon pơ lei, tơ gu\m ăn kon pơ lei sơ đơ\ng jơ hngâm jang xa, pơ jing tơ ring sơ lam roi đunh roi pran kơ jăp, pơ dro\ng đei [ôh.

Công Bắc: Chih

Dơ\ng: Tơ blơ\