VOV4.Bahnar - Đơ\ng tơdrong hơpơi vă hơmet tơdrong jang xo xơ\ vă vei răk tơ[ăk mong tơdrong jang juăt jue kơ hơdrung hơdre\ch po, minh [ar hơdruh tơdăm kon kông tơ\ Dak Lak hlôi kh^n kơche\ng păng iung jang, mă blu\ng hlôi đei io\k jơnei, tơgop pơm ăn tơdrong iung jang tơ\ tơring roi năr roi tơnăp hloh.

Anih jang pai tơdrô ge Thái Tây Nguyên kơ ‘nho\ng Lương Văn Dũng, 27 xơnăm, bơngai Thái, tơ\ pơlei Thái, xăh Ea Kuêh, apu\ng Chư\ Mgar, dêh char Dak Lak dang ei hlôi pơm jang xơđơ\ng, rim xơnăm pai păng te\ch đei je# 1.000 ge tơdrô, pơyua hloh 100 triu hlak jên.

Dũng ăn tơbăt, hăm tơdrong ‘meh vă pơtoi tơdrong jang pai tơdrô juăt jue kơ unh hnam, xơnăm 2015, xư rơih tơdjang pai tơdrô ge Thái vă pơm jang. ‘Nho\ng hlôi ho\k hơlen tơdrong hlôh vao pai tơdrô đơ\ng ‘nho\ng oh lơ\m unh hnam păng tơpôl vă đei hơyuh [lep kơ tơdrô ge Thái tơ\ pơlei pơla. Hăm 3 tơmam tơm noh phe tơyông, hơnuh [a păng [uih hla, lơ\m noh [uih jing tơmam pơjing ăn tơdrô ge [âu phu ‘lơ\ng păng đei hơyuh ‘lơ\ng kơdih kơ tơdrô ge Thái. Tơdrong iung jang đơ\ng Lương Văn Dũng hlôi đei Đoàn hơdruh tơdăm tơ\ tơring tơgu\m tơtom: “Yak mă blu\ng inh pai tơdrô ge noh hăm tơdrong ‘meh hơmet păng vei răk tơ[ăk mong um ai tơdrô ge Thái. Ăh đei ‘nho\ng pơmai tơ\ anih jang đoàn apu\ng păng khul kơpal tơgu\m axong to\k io\k 20 triu hlak jên, tơgu\m inh ‘nguaih kơ jên axong đơ\ng unh hnam vă chă răt tơmam drăm kăl lơ\m pơm jang”

Duh đơ\ng tơdrong kơche\ng vei răk păn hơmet tơdrong pai tơdrô ge juăt jue, pơmai H Bích Niê Kđăm, bơngai Ê Đê, tơ\ pơlei Wieo A, th^ tra#n Krông Năng, apu\ng Krông Năng, dêh char Dak Lak pơngơ\t, hơlen băt păng ho\k pai tơdrô ge đơ\ng yă po. Pơmai H’Bích ăn tơbăt, mă kon pơlei tăp dăr adoi kăl yua tơdrô ge, mă hăt noh ăh ‘năr lêh têt, mă lei ưh gan đei bơngai pai păng te\ch kơloăi tơdrô âu. Kiơ\ kơxo# tơmoi hlôi đei đơ\ng tơdrong te\chrăt găr mắc ca kơ unh hnam,  H Bích kơche\ng truh tơdrong ‘nhăk kơloăi găr âu vă pai tơdrô, pơjing tơmam drăm hăm hơyuh [âu phu ‘lơ\ng hloh. Mă kơjă te\ch truh 1 triu hlak jên minh ge 10 lit, tơdrô ge mắc ca duh đei lơ bơngai răt yua. H Bích kơche\ng gô vă hơto\k tơdrong te\ch tơdrô ge, mă hăt noh tơdrô ge mắc ca tơ\ dôm plei tơm tih nhen Hà Nội păng plei tơm Hồ Chí Minh vă pơih xă tơring te\ch pơdro, atu\m hăm noh tơbang kơloăi tơdrô juăt jue kơ hơdrung hơdre\ch po: “{ôh um ai joh ayo\ po roi năr roi hiong noh inh ‘meh ho\k vă adrol hloh noh răk vei. Hăm kơloăi tơdrô ge mắc ca âu noh kăp g^t ăh anih ‘nguaih kơ tơmam juăt pai tơdrô ge nohkăl đei găr mắc ca io\k hơkâu lơ\m lăm păng hơna kro tăh lơ\m kơdroh tơdrô ge. Inh oei ‘meh pơih xă tơdrong tơbang dôm tơmam kăp g^t kơ Tây Nguyên, băt truh dôm tơmam drăm juăt jue kơ kon pơlei Ê Đê inh păng tơgu\m inh [ôh hơ iă hloh”.

Vă tơgu\m hơdruh tơdăm hiôk hian lơ\m iung pơm jang, dêh char Dak Lak hlôi đei lơ tơdrong jang nhen: axong to\k io\k jên hăm jên cheh to\ xe\t; pơih lăm ho\k păng chă tơmang lăng anih pơm jang đei jơnei; pơtho găh tơdrong jang, pơma dơnuh kơtă đơ\ng khul kơdră dêh char, tơ ‘ngla anih jang mu\k drăm păng hơdruh tơdăm găh tơdrong rơgei lơ\m pơm jang.

Đơ\ng xơnăm 2009 truh dang ei, dôm jăl jang đoàn dêh char Dak Lak hlôi tơgu\m hơdruh tơdăm tơre\k hăm jên axong jang te\ch pơdro, kơxo# jên âu đơ\ng anih mong jên tơgu\m tơpôl noh hloh 646 tih hlak jên; đei 5 tơdrong axong jên jang đơ\ng jên mong kơ teh đak găh axong tơdrong jang hăm kơxo# jên 700 triu hlak jên. Dôm jăl jang đoàn lơ\m dêh char duh hlôi pơjao 50 suât jên iung pơm jang ăn hơdruh tơdăm hăm jên pơkăp hloh 1 tih hlak jên. Hăm tơdrong tơgu\m âu, lơ hơdruh tơdăm hlôi kh^n iung jang hăm lơ um ru\p jang rơgei, pơyua lơ găh mu\k drăm, tơgop axong tơdrong jang ăn lơ hơdruh tơdăm nai. {ok Phạm Minh Tấn, Pho\ Bí thư juăt jang kơ Anih jang dêh char Dak Lak ăn tơbăt, tơdrong iung jang hăm hơdruh tơdăm jing minh lơ\m dôm tơdrong tơre\k mă blu\ng kơ dêh char lơ\m tơdrong hơto\k tơ iung: “Lơ\m khei năr truh dôm jăl jang Đảng pơtoi tơre\k pơgơ\r dôm jăl jang Đoàn păng Jơnu\m pơgơ\r tơring, gô pơm trong hiôk vă hơdruh tơdăm pơm jang hăm jơhngơ\m pran kơ khul mơlôh gơh rơgei yak hadoi hăm hơdrung hơdre\ch atu\m lơ\m tơdrong hơto\k tơ iung mu\k drăm tơpôl kơ dêh char.”

Đơ\ng tơdrong iung jang tơnăp păng rơchăm hăm tơdrong te\ch răt tơmam drăm, lơ hơdruh tơdăm Dak Lak hlôi hơlen băt vă hơ ‘nhăk tơmam drăm, um ru\p jang đei jơnei lơ vă io\k jang tơ\ tơring. Mă hăt noh hăm hơdruh tơdăm kon kông, đon kơche\ng iung jang đơ\ng joh ayo\ juăt jue hlôi pơyua ăn đe boăl đei jơnei. Păng hơlơ\k hăm tơdrong đei jơnei noh tơgop dơ\ng ăn tơdrong vei răk tơ[ăk mong dôm tơmam drăm, tơdrong jang kră xơ\ kơ hơdrung hơdre\ch po.

Lan chih păng rapor