VOV4.Bahnar -  5 xơnăm kơ âu, apu\ng Krông Buk, dêh char Đak Lak đei 15.000 unh hnam kon pơlei jang mir đei xơkơ\t pơm jang rơgei. Pơtêng hăm 5 xơnăm adrol kơ noh, kơxo# unh hnam jang đei yua rim xơnăm hloh 200 triu hlak jên to\k hloh 2 ‘măng minh puơ\t, lơ unh hnam jang đei yua rim xơnăm truh kơtih hlak jên.

Xơnăm 1997, jăk đơ\ng pơlei pơla Thanh Hóa năm oei tơ\ xăh Chư\ Né, apu\ng Krông Buk, dêh char Đak Lak pơm jang hăm 2 tơpang ti hoh hoi, klo hơkăn ‘nho\ng Lê Minh Tĩnh athei năm jang kơ đe chă jên hơmet ăn tơdrong erih. Pơ ‘nam pơm jang, ho\k hơlen đơ\ng đe nai, ‘nho\ng Tính tơchă truh tơdrong jang hơmet kơmăi kơmo\k păng jing bơngai jang kloh kle\ch. Dang ei, atu\m hăm tơmam ming man hnam oei tơguăt hăm tơdrong jang hơmet kơmăi kơmo\k, unh hnam ‘nho\ng Lê Minh Tĩnh đei 1 ha 5 sao cà phê păng 700 tơm tiu, hăm kơxo# jên đei yua rim xơnăm hloh 500 triu hlak jên. ‘Nho\ng tơroi: “20 xơnăm pơm jang tơ\ hơgăt teh Tây Nguyên, klo hơkăn inh [ơm lơ tơdrong tơnap tap mă lei tơguăt hăm teh, pơ ‘nam, adrin chă ho\k hơlen noh pơtơm jang đei, truh dang ei mu\k drăm unh hnam inh xơđơ\ng bơih”

Dôm xơnăm kơ âu, Jơnu\m jang găh kon pơlei jang mir apu\ng Krông Buk hlôi đei lơ tơdrong jang tơgu\m bơngai jang lơ\m khul hơto\k mu\k drăm nhen: jang hadoi hăm dôm anih jang kơpal pơih lăm pơhrăm găh khoa ho\k kih thuơ\t, jang atu\m hăm rim anih jang mu\k drăm tơgu\m kon pơlei chă to\k io\k pho\ng rei, pơgang vei hơlen ‘long pơtăm kla jên đơ\ng ro\ng. Dơ\ng tang to\k io\k jên jang ăn je# 3.000 ‘nu bơngai jang lơ\m khul, hăm kơxo# hre ako\m hloh 78 tih hlak jên.  

Pơm jang mu\k drăm đei jơnei tơnăp, kon pơlei xăh Chư\ Né hlôi hăt hot tơgop ming man tơdrong kăl tơ\ tơring. Kon pơlei hlôi plang hloh 7.000m2 teh, vang chă hơmet 3km trong nơnăm, tơgop lơ\m jene mong tơgu\m bơngai hin dơnuh hloh 55 triu hlak jên, tơgop lơ\m Jên mong tơgu\m kon pơlei jang mir 40 triu hlak jên, tơgu\m 50 unh hnam kon pơlei jang mir klaih đơ\ng hin dơnuh hlo\ng hloi... {ok Lê Thăng Long, Pho\ kơdră Jơnu\m kon pơlei jang mir xăh Chư\ Né, apu\ng Krông Buk ăn tơbăt:  “Đơ\ng tơdrong jang kon pơlei pơlong băl pơm jang rơgei, tơguăt tơgu\m băl pơm pơdro\ng păng tơjur hin dơnuh kơjăp xơđơ\ng, hlôi tơgu\m hơto\k mu\k drăm unh hnam kơ rim ‘nu bơngai jang mir tơ\ tơring roi năr roi đei hơto\k, tơdrong erih mu\k drăm đei [ôh [iơ\ noh unh hnam chơt hơ iă vang jang chă tơra tơgop tơnăp hloh, kiơ\ đơ\ng noh tơgop pơjing tơring pơxe\l ‘nao tơ\ xăh tơnăp hloh”

5 xơnăm kơ âu, apu\ng Krông Buk, dêh char Đak Lak đei 15.000 unh hnam kon pơlei đei xơkơ\t pơm jang rơgei. Pơtêng hăm xơnăm đơ\ng 2007 - 2011, unh hnam kon pơlei pơm jang đei yua rom xơnăm hloh 200 triu hlak jên, to\k hloh 2 ‘măng, kơxo# unh hnam đei yua je# 1 tih hlak jên to\k hloh 1 ‘măng. Yă Cao Thị Thúy Nga, Kơdră Jơnu\m jang găh kon pơlei jang mir apu\ng Krông Buk ăn tơbăt, tơdrong mă kon pơlei pơlong băl pơm jang rơgei tơ\ tơring to\k bo\k oei pơtoi đei hơto\k pran: “Vă jang tơnăp tơdrong mă kon pơlei pơlongbăl pơm jang rơgei, tơgu\m băl jang tơjur hin dơnuh xơđơ\ng, jơnu\m jang chih măt tơle\ch jang pơlong băl ăn rim unh hnam jang đơ\ng blu\ng xơnăm, noh rim unh hnam adoi xơkơ\t kơdih ăn kơ po. Hăm jơnu\m jang vă tơgu\m ăn rim unh hnam kon pơlei jang mir noh jơnu\m jang duh hlôi k^ pơkăp axong to\k io\k pho\ng rei, pơgang hơdrông ăn kon pơlei. Tơdrong mă âu tơgu\m mong [iơ\ jên jang vă kon pơlei axong jang lơ\m tơdrong jang kơ po”

Tơdrong mă kon pơlei pơlong băl pơm jang rơgei tơ\ apu\ng Krông Buk, dêh char Đak Lak  hlôi tơgu\m kon pơlei tơplih ‘nao đon kơche\ng, trong pơm jang, tơdrong io\k yua jên đei tơnăp păng io\k yua tơdrong gơh rơgei ‘nao lơ\m pơm jang, hơto\k mu\k drăm unh hnam, tơgop kăp g^t lơ\m tơdrong jang xut le# pơngot tơjur hin dơnuh kơ tơring.

Lan chih păng rapor