VOV4.Bahnar - Jang kiơ̆ trong vă jang tơ mam kơ măy kơ mŏk jăl jang 2011 - 2015 păng truh sơ năm 2020, anih jang vei lăng găh kơ măy kơ mŏk mơ dro sa Dak Lak hlôi jang hơ dai hăm Anih jang vei lăng găh choh jang sa pơ gơ̆r dăr hơ len klăih song păng hơ len lăng tơ drong kĕ pơ jei đơ̆ng tơ mam kơ măy kơ mŏk, lơ̆m noh lăng kăl tơ mam kơ măy kơ mŏk pơm tơ lĕchh tơ mam đơ̆ng choh jang sa. Hơ dai hăm ‘noh jang tơ gŭm kơ Anih vei lăng kon pơ lei dêh char Dak Lak tơ lĕch hơ năn dôm tơ mam kơ măy kơ mŏk tơ ring tơ rang ‘lơ̆ng, tơ mam kơ măy kơ mŏk tơm, pơ jing kơ jă kăp gĭt 1,2 tơ mam nhen: cheh phe, ƀơ, măk ka, tiu. Truh dang ei, lơ̆m dêh char hlôi pơ jing đei 114 tơ drong jang pơm tơ lĕch păng tĕch tơ mam đơ̆ng choh jang sa păng 35 tơ mam đei hơ len lăng drơ̆ng dôm tơ mam găh Tơ drong jang 1 xăh 1 tơ mam.

Thuem: Tơ blơ̆