VOV4.Bahnar - Ho\k pơ hrăm păng pơm kiơ\ jơ hngơ\m đon ‘lơ\ng đơ\ng [ok kơ dră Hồ Chí Minh găh jang kiơ\ ‘mơ ‘met, dôm sơ năm âu ki, tơ drong jang tăh jên lơ\m nhu\ng te\h đơ\ng kang [o#, đảng viên, kon pơ lei xăh Quảng Hiệp, apu\ng Cư Mgar, Đak Lak hlôi tơ gop kơ hre\ng triệu hlak jên vă tơ gu\m dôm u\nh hnam đei tơ drong ar^h sa mơ mat tat hơ drin sơ đơ\ng tơ drong ar^h sa.  

Nhen jing tơ drong joăt mư\h đơ\ng ro\ng rim ‘măng năm tơ\ kơ chơ, bre klo kăn [ok Trần Hữu Ngọc oei tơ\ thôn Hiệp Thịnh, xăh Quảng Hiệp, apu\ng Cư Mgar ‘no\h io\k dôm hlak jên le pơ ‘lơ\ng tăh lơ\m nhu\ng te\h ming tơ\ kơ pal hơ tu\h lăm tơ moi ngôi. ‘Nâu j^ nhu\ng mă 8 klo kăn [ok “ rong” lơ\m 8 sơ năm âu ki. U|nh hnam [ok lăp jang chu\n mir, tam mă jing đei [o#h ră, mă lei hăm jơ hngơ\m đon đơ\ng 1 ‘nu linh so hơ nhăk lơ\m hơ kâu jơ hngơ\m đon ‘lơ\ng đơ\ng bơ ngai linh [ok Hồ găh jơ hngơ\m đon ‘mơ ‘met păng tơ gu\m băl, klo kăn [ok hlôi mong răk rim sơ năm đơ\ng 400 tru\h 500 rơ bâu hlak jên, tơ gu\m “ Jên mong yua kơ bơ ngai dơ nu\h hin” đơ\ng kơ so# jên tăh lơ\m nhu\ng te\h:

“Kiơ\ tơ drong krao hơ vơn tăh jên lơ\m nhu\ng te\h 1 năr 1 rơ bâu yua đơ\ng kon pơ lei tơ gop vă tơ gu\m man hnam ăn dôm u\nh hnam dơ nu\h hin, đei tơ drong ar^h sa mơ mat tat kiơ\ tơ drong krao hơ vơn đơ\ng mặt trận xăh, u\nh hnam nhôn ku\m jang kiơ\. Mă đơ\ng tam mă đei [o#h ră mă lei hăm jơ hngơ\m đon, nhôn vang tơ gop 1 păh ie\ ioch hơ yơ ‘no\h đơ\ng u\nh hnam vă hơ dai hăm mặt trận tổ quốc xăh tơ gu\m rim u\nh hnam oei dơ nu\h hin hlo\h ba”.

Klo kăn [ok Trần Hữu Ngọc oei tơ\ thôn Hiệp Thịnh, xăh Quảng Hiệp, apu\ng Cư Mgar ‘mơ ‘met jên tăh lơ\m nhu\ng te\h

Đơ\ng tơ drong jang “ tăh jên lơ\m nhu\ng te\h”, dôm j^t u\nh hnam dơ nu\h hin kơ xăh Quảng Hiệp, apu\ng Cư Mgar hlôi đei tơ gu\m vă man hnam tơ goăt tơ goăl, hơ met ming hnam oei, tơ iung jang sa. ‘Nho\ng Lô Phương Điền, m^nh lơ\m dôm u\nh hnam dơ nu\h hin oei tơ\ thôn Hiệp Tiến ‘nao đei tơ gu\m 50 triệu hlak jên man hnam tơ goăt tơ goăl hơ tuch sơ năm 2017 chhôk hơ iă:

“Tơ drong ar^h sa [ơ\t hơ drol sơ\ tôch kơ mơ mat tat, hnam hiăh hiok, tơ dăh ư\h kơ pơm lơ\m pơ yan ‘mi âu, klo ăn nhi lăp pơm hăm kuăl tăng oei đe\ch, ăn khan vă pơm 1 pôm hnam ‘no\h hơ nat de#h. Dang ei gơ nang đơ\ng khu\l kơ dră, mặt trận thôn xăh păng rim ‘nu tơ gu\m o\h hlôi đei hnam thoi âu sơ đơ\ng [iơ\ bơ\ih găh an^h yông kơ ‘mi pe\ng kơ to\ vă tơ iung mu\k drăm đơ\ng ro\ng âu, klo kăn nhi dă [iơ\ kơ athei chă kơ dâu jang thuê tơ\ ‘ngoăih bơ\ih.”

‘Nho\ng Lô Phương Điền, oei tơ\ thôn Hiệp Tiến, xăh Quảng Hiệp, apu\ng Cư Mgar chhôk hơ iă lơ\m hnam tơ goăt tơ goăl

Kiơ\ kơ [ok Hòa Mạnh Quân, Kơ dră an^h jang mặt trận xăh Quảng Hiệp, tơ drong jang “ tăh jên lơ\m nhu\ng te\h” đei tơ le\ch jang đơ\ng sơ năm 2011 lơ\m kang [o#, đảng viên. Sơ năm blu\ng, lơ\m xăh hlôi hơ vơn đei 37 to\ nhu\ng te\h tăh jên ‘mơ ‘met hăm kơ so# jên hlo\h 30 triệu hlak jên, tơ gop lơ\m jên mong “ Yua kơ bơ ngai dơ nu\h hin” vă tơ gu\m man 1 pôm hnam ăn kơ u\nh hnam dơ nu\h hin. Đơ\ng io\k yua ‘lơ\ng đơ\ng tơ drong jang, Kơ dră đảng xăh hlôi athei mặt trận tổ quốc păng rim bơ ngai jang lơ\m khu\l ako\m tơ roi tơ băt, krao hơ vơn đoàn viên, bơ ngai jang lơ\m khu\l, gru\p tơ pôl, rim hnam trưng ho\k, an^h jang, khu\l lui păng kon pơ lei vang ‘mơ ‘met. Gơ nang đơ\ng no\h, tơ drong jang roi năr roi lang să lơ\m tơ pôl. Tru\h dang ei, lơ\m xăh hlôi tăh đei vă je# 1.400 to\ nhu\ng te\h ‘mơ ‘met hăm kơ so# jên hlo\h 600 triệu hlak jên. Đơ\ng jên mong âu, pơm 12 to\ hnam tơ goăt tơ goăl, tơ gu\m 44 kăp pơ be yo\ng tơ gu\m bơ ngai dơ nu\h hin yak hlo\h mơ mat tat, sơ đơ\ng tơ drong ar^h sa:

“Kiơ\ đơ\ng tơ drong jang tơ roi tơ băt krao hơ vơn tơ blang hơ dăh ‘no\h đ^ đăng kon pơ lei lơ\m xăh [o#h đei io\k yua tơ drong jang tôch kơ ‘lơ\ng đơ\ng ‘no\hđe vang tơ gop tôch lơ. Sơ năm 2017, nhôn krao hơ vơn đei hlo\h 270 u\nh hnam kon pơ lei vang tơ ra hăm kơ so# jên 240 triệu hlak jên, tơ gu\m 17 u\nh hnam klăih đơ\ng dơ nu\h hin. Tru\h khei ‘năr âu đei 240 u\nh hnam ch^h hơ năn tăh jên lơ\m nhu\ng te\h lơ\m sơ năm 2018 âu”

{ok Bùi Thanh Bình, Bí thư Đảng xăh Quảng Hiệp tơ băt, j^ xăh hơ tăih hơ to\, tơ drong ar^h sa kon pơ lei oei mơ mat tat mă lei gơ nang đơ\ng hơ drin tơ roi tơ băt, krao hơ vơn kơ na tơ drong jang “ tăh jên lơ\m nhu\ng te\h” pơm jên mong tơ gu\m bơ ngai dơ nu\h hin hlôi hơ to\k io\k yua lơ. Vă pơ jing tơ drong jang roi ‘năr roi ‘lơ\ng, xăh hlôi pơ jing trong tơ le\ch la\p hăm tơ drong kơ tơ ring. ‘Ngoăih kơ tơ gu\m man hnam tơ goăt tơ goăl, dôm u\nh hnam mơ mat tat găh te\h cho\h jang sa đei tơ gu\m 2 to\ pơ be yo\ng, hơ dai hăm ‘no\h, rim khu\l gru\p tơ pôl hơ nơ\ng pơ lung, pơ tho trong vei lăng vă kơ rim u\nh hnam rong. Tơ drong jang “ tăh jên lơ\m nhu\ng te\h” ư\h khan lăp đei tơ drong ‘lơ\ng pơ tho đon ‘mơ ‘met mă oei jing tơ drong jang hơ dăh ‘lơ\ng, jang tơ năp đơ\ng tơ pôl hăm bơ ngai dơ nu\h hin, tơ gop lơ\m tơ drong hơ to\k tơ iung kơ tơ ring.

“Io\k yua ‘no\h đei rim sơ năm nhôn tơ băt hơ dăh tơ\ an^h tơ gu\m ăn kơ bu, jang tơ drong kiơ ‘no\h sư rơ đăh đei kon pơ lei ch^h io\k, kiơ\ hơ len lăng tơ drong jang đơ\ng kơ d^h kơ na io\k yua đei tôch kơ ‘lơ\ng. Đơ\ng no\h, tơ drong jang pơ jei băl ư\h khan lăp tơ gu\m bơ ngai dơ nu\h hin mă oei tơ gop lơ\m tơ drong jang pơ jing tơ ring tơ rang ‘nao păng hơ drin jing xăh tơ ring tơ rang ‘nao chalư hle”.

Đơ\ng ro\ng hlo\h 7 sơ năm tơ le\ch jang, tơ drong jang “ tăh jên lơ\m nhu\ng te\h” tơ gu\m u\nh hnam dơ nu\h hin tơ\ xăh Quảng Hiệp, apu\ng Cư Mgar, de#h char Dak Lak hlôi tơ pă lang să tru\h rim răih kon pơ lei. Tơ drong jang hlôi tơ gop pơ jing đon băt kơ d^h pơm kiơ\ ‘mơ ‘met lơ\m tơ pôl păng tơ iung jơ hngơ\m đon “ tơ gu\m băl, hla ‘lơ\ng bơ\ng hla hiăh”, vang 1 jơ hngơ\m đon tơ gu\m sut hnam pơm pơ gia păng jang kiơ\ tơ drong jang pơ jing tơ ring tơ rang ‘nao kơ tơ ring.  

Hương Lý ch^h

Thuem tơ blơ\