VOV4.Bahnar -Vă hơ to\k tơ drong jang hơ gei ăn kơ đe đoàn viên hơ dru\h tơ dăm, an^h jang đoàn de#h char Dak Lak hlôi đei lơ tơ drong jang pơ tâp pơ hrăm, pơm trăi sơng đei lơ hơ dru\h tơ dăm vang jang. Kiơ\ đơ\ng no\h đei jơ chă pơ ma dơ nu\h, ho\k pơ hrăm đơ\ng d^h băl kơ plăh dôm bơ ngai pơm kang [o#, tơ gu\m ăn đe sư bơ\ jang roi gơ\h hơ gei tơ\ tơ ring, tơ gop pơ jing, tơ iung tơ drong jang đoàn tơ\ tơ ring lơ\m tơ drong ar^y sa ‘nao.

Hăm tơ ring ‘no\h j^ de#h char ‘no\h groi kông, tơ ring xă, đei lơ hơ dre\ch hơ dru\ng dơ\ng, kơ na tơ\ Dak Lak tơ drong krao ako\m hơ dru\h tơ dăm lơ\m tơ drong jang Đoàn tơ [ơ\p lơ mơ mat tat. Hơ dru\h tơ dăm lơ\m tơ ring tơ rang ‘no\h j^ bơ ngai jang tơm lơ\m u\nh hnam kơ na tơ drong hơ met ăn jơ vang hok hôp ku\m tôch kơ mơ mat. Tơ pă yan âu tơ drong jang đoàn tơ\ tơ ring ăn [o#h, rim jơ ho\k hôp lăp pơ dơ\h tơ\ dôm tơ drong pơ chơt pơ tâp hơ kâu jăn păng dôm tơ drong jang hơ dro# đe\ch, kơ na tôch kơ [ônh kơ bơ\l hăl, ư\h kơ sơng đei hơ dru\h tơ dăm vang jang. Mo\ Ma Thị Hoàn, Che\p kơ\l pơ gơ\r Đoàn hơ dru\h tơ dăm Cộng sản Hồ Chí Minh xăh Ea Đah, apu\ng Krông Năng tơ roi tơ băt: “ Hmă hmă ‘no\h nhôn lăp pơ gơ\r dôm tơ drong pơ chơt dăh mă hơ soang hmă đe\ch, mă oei dôm kơ loăi tơ roi tơ băt, kơ thơ hre\p, semaphore ‘no\h j^ tôch kơ hl^ch hăm dôm đe hơ dru\h tơ dăm chăl hle dang ei. Lăp đei dôm bơ ngai năm ho\k ‘no\h mă băt tru\h đe\ch, ăn oei nhôn ku\m tam mă đei bu băt tru\h găh tơ drong kơ tơ\ng ang ‘no\h o#h”. 

‘Nho\ng Trần Văn Thắng, pho\ bí thư đoàn xăh Ea Đar, apu\ng Ea Kar ku\m tơ roi tơ băt, mă đơ\ng tôch kơ ‘me\h pơ gơ\r dôm tơ drong jang ‘nao, đei tơ drong tơm hơ iă, mă lei tơ drong gơ\h hơ gei đơ\ng bơ ngai pơ gơ\r đoàn oei tam mă gan hlôh vao lơ. ‘Nho\ng Trần Văn Thắng pơ ma: “Vă pơ tâp pơ hrăm dôm tơ drong gơ\h hơ gei nhen morse, semaphore, pơ gơ\r năm tơ\ trong dăh mă pơ gơ\r 1 tơ drong ngôi pơ chơt t^h tơ\ tơ ring ‘no\h sư gô oei tơ [ơ\p lơ mơ mat tat. Mă mônh ‘no\h j^ găh khu\l jang kang [o# vă pơ tho pơ hrăm dôm lăm ‘no\h oei to\ se\t, đang kơ ‘no\h vă kơ đoàn viên băt kơ năl đei dôm môn ‘no\h ku\m mơ mat ‘no\h oei tơ [ơ\p lơ mơ mat tat”.

Đơ\ng dôm tơ drong mơ mat tat ‘nao tơ roi, athei bơ ngai che\p kơ\l pơ gơ\r hơ dru\h tơ dăm kăl kơ đei dôm tơ drong gơ\h hơ gei bơ\ jang lơ\m kơ plăh bơ\ jang, tơ mơ\t yua tro\ [lep hăm yan âu tơ\ tơ ring kơ d^h. Khei ‘năr âu ki, An^h jang Đoàn de#h char păng Khu\l vei lăng hơ dru\h tơ dăm Việt Nam de#h char Dak Lak hlôi pơ gơ\r lơ lăm pơ hrăm găh tơ drong gơ\h hơ gei bơ\ jang nhen: pơ hrăm tơ drong gơ\h hơ gei pơ gơ\r hơ dru\h tơ dăm, pơ tâp pơ hrăm tơ drong gơ\h hơ gei, tơ drong jang Đoàn – Khu\l jang lơ\m pơ lei, kueng kơ pho#, tơ drong jang 1 năr bơ\ jang vă kơ băt.

Lăp hơ dro# lơ\m khei 4 âu ki, an^h jang Đoàn de#h char hlôi pơ\ih 2 ‘măng pơ tâp pơ hrăm ‘măn kơ bơ ngai che\p kơ\l pơ gơ\r hơ dru\h tơ dăm tơ\ 2 apu\ng ‘no\h j^ Buôn Đôn păng Cư Mgar, sơng io\k đei hlo\h 350 ‘nu đoàn viên hơ dru\h tơ dăm lơ\m de#h char vang jang. Kiơ\ đơ\ng no\h, rim đe đoàn viên hơ dru\h tơ dăm đei băt lơ tơ drong gơ\h hơ gei nhen: tơ drong gơ\h tơ roi tơ băt , bơ\ jang kơ tă lơ\m tơ pôl, tơ drong gơ\h tơ goăt 1 jơ hngơ\m đon ako\m hơ dru\h tơ dăm,… tơ gu\m đe sư đei dơ\ng tơ drong hlo#h vao, hơ to\k ‘lơ\ng tơ drong jang lơ\m bơ\ jang Đoàn – Khu\l. ‘Ngoăih kơ ‘no\h, an^h jang Đoàn de#h char oei jang hơ dai hăm an^h jang Đoàn apu\ng Lak jang kiơ\ tơ drong jang tơ roi tơ băt khôi luơ\t, ho\k hôp hơ dru\h tơ dăm tơ\ rim xăh hơ tăih hơ to\ vă pơ jing tơ drong ‘nao plơ\ng, tơ gu\m rim đoàn viên gơ\h băt lơ hlo\h dơ\ng hăm tơ drong jang đoàn. ‘Nho\ng Võ Văn Dũng, Pho\ bí thư an^h jang đoàn de#h char, kơ dră Khu\l jang vei lăng hơ dru\h tơ dăm Việt Nam de#h char Dak Lak tơ roi tơ băt: “Khu\l pơ gơ\r jang păng Khu\l pơ tâp pơ hrăm ako\m pran lơ\m rim tơ drong gơ\h jang, [ơk lăng kiơ\ lơ\m hla arvă ăn kơ khu\l kang [o# jang tơ drong jang khu\l gơ\h v^h tơ roi tơ băt dơ\ng tơ\ tơ ring păng tơ mơ\t yua lơ\m yan âu vă hơ nơ\ng tơ goăt tơ goăl ako\m hơ dru\h tơ dăm lơ\m khu\l jang. ‘Moi kiơ\ rim tơ drong tơm ‘no\h vă đ^ đăng adoi đei tơ mơ\t yua, tơ gep lơ\m dôm tơ drong tơm kơ Tây Nguyên, pơ t^h gia nhen tơ drong ‘lơ\ng hơ iă jo\h ayo\ kơ Tây Nguyên, dôm tơ drong gơ\h jang tơ\ tơ ring hơ tăih hơ to\ ku\m đei tơ mơ\t yua vă kơ mư\h đei pơ tâp pơ hrăm đang v^h tơ\ tơ ring ‘no\h gơ\h tơ mơ\t yua hloi lơ\m yan âu”.

Đơ\ng dôm tơ drong jang pơ tâp pơ hrăm âu, lơ kang [o# đoàn tơ\ tơ ring đei jơ rơ vơn đei jang vă kơ băt lơ\m an^h ho\k pơ hrăm joăt jang, ho\k pơ hrăm dơ\ng tơ drong gơ\h hơ gei yan âu, đơ\ng no\h đei dơ\ng dôm tơ drong hlo#h vao vă tơ mơ\t yua lơ\m bơ\ jang tơ\ an^h jang kơ d^h, tơ gu\m ăn tơ drong jang đoàn tơ\ tơ ring roi ‘năr roi hơ to\k tơ iung.

Thuem tơ blơ\