VOV4.Bahnar - Lơ\m khei năr tơblăh vang xơ\, xăh Chư\ Pơ\ng, apu\ng Krông Búk, dêh char  Dak Lak jing tơring kăng kư\ kơjăp xơđơ\ng, khul linh păng kon pơlei bơ\n minh bơnôh kiơ\ cách mạng, nuih mơng iung tơblăh truh năr đei jơnei rơngei. Hrei âu, lơ\m tơdrong tơ iung pơjing teh đak, kon pơlei kon kông tơ\ xăh Chư\ Pơ\ng pơtoi che\p vei đon bơnôh juăt jue, tơguăt tơguăl tơpuh le# pơngot hin dơnuh, kơtul chơ dư, atu\m hơto\k tơ iung mu\k drăm, pơjing tơring pơxe\l ‘nao. {ơ\t tơbăt năr Cách mạng khei 8 păng Kuôk khanh năr 2/9, H Xíu, chih kơtơ\ng ang ăn Rađiô nơ\r pơma Việt Nam tơ\ Tây Nguyên đei [ai chih tơroi kơ dôm tơdrong tơplih tơ\ hơgăt teh nuih mơng Chư\ Pơ\ng.

          Lơ\m hnam kơjung juăt jue đei kơjă kơ hre\ng triu hlak jên, [ok Y Hluăt ÊBan, tơ\ pơlei Ea Tuk, xăh Chư\ Pơ\ng, apu\ng Krông Buk, dêh char Dak Lak chơt hơ iă tơroi kơ dôm tơdrong tơplih kơ pơlei Ea Tuk lơ\m minh [ar xơnăm kơ âu. Kiơ\ kơ noh, dôm jăl trong man bê tông rơgoh ‘lơ\ng, rim bơbu\ng hnam man kơjăp ‘lơ\ng tơjih hnam kơjung juăt jue, tơlei unh hơyuh teh đak đei dăng rok kiơ\ jăl trong mơ\t tơ\ pơlei. Gơnơm đei ho\k hơlen păng io\k yua khoa ho\k kih thuơ\t, lơ unh hnam hlôi klaih đơ\ng hin dơnuh, to\k pơdro\ng. Unh hnam [ok adrol ki noh jing unh hnam hin dơnuh mă lei dang ei hlôi đei hnam kơjung, răt gre hơyuh păng lơ kơmăi kơmo\k vă pơm jang nai. {ok Y Hluắt Êban oei jing minh lơ\m lơ bơngai jang mir rơgei tơ\ xăh Chư\ Pơ\ng: “Adrol ki unh hnam inh adoi tơjra#m lơ tơnap tap. Mă lei nhôn adrin pơm jang ‘măn răk, dar deh man đei hnam oei. Inh oei ho\k hơlen trong rong nhu\ng, rong rơmo, ke\ đei anih jang thoi âu noh yuơ Jơnu\m bơngai jang mir axong năm ho\k hơlen, dar deh răt đei teh, răt gre hơyuh, tơdrong erih dang ei da [iơ\ hloh adrol ki bơih”.

          Tơdrong hơto\k tơ\ pơlei Ea Tuk duh jing tơdrong tơplih atu\m kơ xăh Chư\ Pơ\ng dang ei. Đơ\ng anih ưh kơ măh xo\ng xa, hru\k hrơ\p, pơm jang kơtul chư dư, dôm xơnăm kơ âu, đei tơdrong tơgu\m đơ\ng Đảng păng teh đak, kon pơlei xăh Chư\ Pơ\ng hlôi xơđơ\ng tơdrong erih, io\k yua tơdrong rơgei khoa ho\k kih thuơ\t lơ\m tơdrong pơm jang. Lơ unh hnam to\k pơm pơdro\ng hăm tơdrong pơyua kơ hre\ng triu hlak jên minh xơnăm.  Atu\m hăm noh, anih jang kơ xăh đei axong ming man. Thong hơbong đak xơđơ\ng đak ruih ăn pơhlom 70% hơgăt ‘long pơtăm. Tôm pơlei pơla lơ\m xăh đei unh hơyuh yua.

Tơdrong chă khăm hơmet j^ păng vei lăng jơhngơ\m jăn ăn kon pơlei đei jang tơnăp. Hnam pơgang xăh Chư\ Pơ\ng hlôi đei axong ming man [lep hăm pơkăp kơ teh đak găh y te#, hăm dôm kơmăi kơmo\k ‘nao nhen: kơmăi hơlen pham, kơmăi pơchră siêu âm, păng khul jang yte# rơgei, jang [lep hăm tơdrong kăl khăm hơmet j^ đơ\ng kon pơlei.

{ok Y Phem Niê, Kơdră hnam pơgang xăh Chư\ Pơ\ng ăn tơbăt, atu\m hăm kơmăi kơmo\k, khul thây pơgang kơ anih jang duh đei pơhrăm hơto\k tơdrong jang kơ po: “Lơ\m dôm xơnăm kơ âu noh anih jang, tơmam drăm kơmăi kơmo\k hlôi đei teh đak axong ăn, jo# hloi bơngai jang duh đei teh đak axong năm ho\k vă vih noh tơle\ch chă yua kơmăi kơmo\k ‘nao. Tơdrong khăm hơmet j^ ưh io\k jên ăn kon pơlei kon kông, bơngai hin dơnuh păng dôm bơngai mă teh đak tơchơ\t tơgu\m nhen le\ dang ei oei yua bảo hiểm to\k truh 90%”.

          {ok Trần Thành, Kơdră Anih vei lăng kon pơlei xăh Chư\ Pơ\ng tơroi, gơnơm jang hadoi hăm lơ tơdrong pơkăp nai đơ\ng Jơnu\m pơgơ\r teh đak, vă axong jang hơto\k tơ iung noh tơring pơxe\l kơ xăh hlôi đei tơplih. Dang ei xăh đei hloh 3.500 ha cà phê pe\ plei, kơ hre\ng ha kơxu, tiu atu\m hăm lơ hơdre\ch ‘long xa plei đei kơjă kăp găh mu\k drăm, rim xơnăm pơyua kơ hre\ng tih hlak jên.

Lơ\m tơdrong jang pơjing tơring pơxe\l ‘nao, Chư\ Pơ\ng hlôi keh đang 16 lơ\m 19 tơdrong tơchơ\t păng đei 2 tơdrong tơchơ\t đei jơnei kăp g^t. Lơ\m noh, tơchơ\t tơnap nhen trong nơnăm hlôi đei hơmet hăm 90% trong năm tơ\ apu\ng, 32% trong năm lơ\m xăh đei man hăm bê to\ng, rei kơxu: “Che\p vei tơdrong juăt jue nuih mơng kơ kon pơlei lơ\m khei năr tơblăh vang xơ\, anih jang Đảng, jơnu\m pơgơ\r tơring păng kon pơlei xăh Chư\ Pơ\ng drơ\ng nơ\r tơguăt tơguăl, adrin jang tơnăp dôm xơnong jang mu\k drăm tơpôl, vei xơđơ\ng tơpôl lơ\m tơring. Găh unh hơyuh, trong nơnăm, hnam trưng ho\k, hnam pơgang, pơnơ\ hơbong đak păng dôm tơdrong kăl nai hlôi đei ming hơmet kiơ\ [lep tơdrong hơpơi đơ\ng kon pơlei. Kơxo# unh hnam hin dơnuh rim xơnăm tơjur đei hloh 3%. Găh tơdrong pơjing tơring pơxe\l ‘nao truh dang ei xăh đei jơnei 16 tơchơ\t lơ\m 19 tơchơ\t păng 2 tơchơ\t kăp g^t păng adrin truh xơnăm 2020 xăh đei jơnei pơkăp tơring pơxe\l ‘nao”.

          {ok Y’Mơ Mlô – Pho\ Bí thư anih jang apu\ng Krông Buk, dêh char Dak Lak xơkơ\t, đơ\ng dôm xơnăm 1940 kon pơlei Êđê, Jarai tơ\ Chư\ Pơ\ng hlôi kiơ\ cách mạng, minh jơhngơ\m iung tơjră ayăt vă pơ rơngei hơdrung hơdre\ch. Hrei âu, đei tơdrong tơgu\m đơ\ng Đảng, Teh đak atu\m hăm tơdrong adrin đơ\ng jơnu\m pơgơ\r tơring păng kon pơlei, xăh Chư\ Pơ\ng hlôi tơplih kơtang. Rim ‘nu bơngai jang đei io\k yua hloh 31 triu hlak jên minh xơnăm, lơ\m noh đei 20% kơxo# unh hnam pơdro\ng, đei hnam tih, gre hơyuh, gre chơ tơmam vih vơ\t păng te\ch tơle\ch: “Đơ\ng ro\ng đei jơnei rơngei truh dang ei tơdrong erih kon pơlei xăh Chư\ Pơ\ng hơto\k [ôh hơdăh, mă kăl noh hloh 10 xơnăm kơ âu noh CHư\ Pơ\ng jang tơnăp tơdrong jang hadoi hăm dôm tơdrong pơkăp jang nai vă tơjur hin dơnuh đơ\ng Jơnu\m pơgơ\r teh đak, vă tơre\k axong jang pơm trong hiôk ăn hloh 2.000 unh hnam hăm hloh 10.000 măt kon pơlei  Êđê, Jarai, Mnông vă ăn xăh Chư\ Pơ\ng roi năr roi hơto\k tơ iung”.

Xơnăm 1994, xăh Chư\ Pơ\ng đei teh đak pôk ăn hơnăn Khul gru\p kon pơlei nuih mơng. Che\p vei tơdrong juăt jue nuih mơng lơ\m khei năr adrol ki, lơ\m tơdrong tơ iung pơjing trong erih xa ‘nao, Chư\ Pơ\ng jing tơring hơdăh găh hơto\k mu\k drăm, tơpôl. Kon pơlei kon kông tơ\ âu roi atu\m jơhngơ\m pơ ‘nam pơm jang, pơjing pơlei pơla roi năr roi ph^ tơto\ dơno\ ‘lơ\ng pơdro\ng jơnap.

Lan chih păng rapor