VOV4.Bahnar - Tơ̆ hơnăp tŏ ‘mi kial chrĭh chrĕng, kon pơlei chŏh jang sa dêh char Dak Nông hlôi iung jang tơplĭh hơdrĕch, ‘long pơtăm, tơgŭm ăn jang sa sơđơ̆ng, hơnhăk đei iŏk yua kơ jăp. Kiơ̆ đơ̆ng ƀok Nguyễn Thiện Chân, Kơ iĕng Kơdră chĕp pơgơ̆r Hơnĭh jang Atŏk tơ iung Chŏh jang sa dêh char, dôm hơgăt tĕh ‘long pơtăm đei tơplĭh ‘nao akŏm lơ tơ̆ rim apŭng ư̆h kơ măh đak, phang pơđang kơtang nhen Tuy Đức, Cư Jút, Krông Nô, Dak Mil. Tơ̆ dôm groi tĕh tơphĭh jang sa, Dơnŏ anĭh vei lăng chŏh jang sa pơtho tơbăt, tơgŭm djru ăn kon pơlei kih thuơ̆t jang sa ƀlep. Dôm hơgăt tĕh tơplĭh jang sa kon pơlei rei pơtăm ‘long pơtăm hrôih đei iŏk yua kơ jăp. Dang ei, Dơnŏ anĭh vei lăng Chŏh jang sa păng Atŏk tơ iung tơring tơrang dêh char tŏk bŏk jang tơbăt ăn Dơnŏ anĭh vei lăng kon pơlei dêh char pơjing đei trong vă jang păng tơdrong tơplĭh ‘long pơtăm lơ̆m tĕh jang ƀa jăl jang 2021 – 2025 păng lăng trŭh sơnăm 2030.

Tơblơ̆ nơ̆r: Amazưt