VOV4.Bahnar - Kiơ̆ Anih vei lăng choh jang xa păng atŏk tơ iung tơ ring tơ rang d/c Dak Nông, jĭ pơ plei tơ̆ hơ kar rơ mo dang ei đei tơ̆ 15 xăh, thĭ trơ̆n găh 5 apŭng: Krông Nô, Đak Glong, Đak R’lấp, Đak Mil păng Cư Jút hăm 230 tŏ rơ mo jĭ, lơ̆m nŏh đei 5 tŏ rơ mo lôch, athei sŏh hŭt lê̆, akŏm đĭ đăng trăp 343 kĭ. Dak Nông dang ei đei 31.500 tŏ rơ mo păng 5.200 tŏ kơ pô.

Dak Nông tang găn jĭ pơ plei tơ̆ hơ kar ăn kon tơ rong

Hrei ‘nâu oei mât lơ̆m pơ yan ‘mi, kơ na jĭ pơ plei tơ̆ hơ kar kơ pô, rơ mo tơ pŏh tôch ƀônh. Anih choh jang xa dêh char Dak Nông athei dôm tơ ring hơ nơ̆ng hơ len năng tơ drong jĭ, pơ tho ăn unh hnam rong kơ pô, rơ mo vei rơ gŏh hơ drong, pruih pơ gang pơ lôch pơ rang jĭ păng săy vôi tơ̆ hơ drong. Atŭm hăm ‘nŏh bơ̆ jang hrơ̆ch ‘lơ̆ng dôm trong jang tang găn jĭ, hơ tŏk tơ drong dăr lăng, chă ƀôh hrôih păng hơ met truh klăih dôm anih ‘nao đei jĭ, ưh ăn jĭ tơ pŏh xă.

Dơ̆ng: Tơ blơ̆