VOV4.Bahnar - Khei ‘năr tơ je# âu, khul linh Công an dêh char Dak Nông hơ nơ\ng chă [ôh, phă đei lơ khul juăt tơ tông kle\ tơ mam. Kăk loi, đei lơ tơ drong tơ tông yoa đe tơ dăm păh iung pơm, tôch pha păng đei pơ gơ\r tôch hlơp.

‘Nao âu j^, Công an apu\ng Dak Mil, dêh char Dak Nông rôp đei 1 gru\p chă tơ tông tơ mam đe. Lơ\m gru\p âu đei Trương Xuân An (oei krao ‘no\h Tèo), rơ ne\h sơ năm 1995, oei tơ\ xăh Đức Minh, apu\ng Dak Mil, j^ bơ ngai hlôi đei 3 ‘măng tơ tông tơ mam đe. Adrol kơ rôp, Trương Xuân An ku\m hăm lơ bơ ngai nai pơ chôp băl tơ tông io\k tơ mam đe truh 13 ‘măng.

2 ‘nu bơ ngai tơ tông gre hon đa đei Công an Dak Nông rôp vei

Trương Xuân An tơ roi: “Măng mă blu\ng inh tơ tông hơ dai hăm Trần Lê Phương păng Ngyễn Văn Đức tơ\ plei Đức Hòa, xăh Đức Minh, tơ tông 1 pôm tivi SamSung; tơ drong mă 2 tơ tông hăm bơ ngai đei anăn Tâm j^ bơ ngai juăt tơ tông kơ tăk tơ\ Thuận An; tơ drong mă 3 tơ tông 1 pôm tivi tơ\ xăh Dak N’Drot”.

Thiếu tá Bùi Xuân Hùng – Kơ dră che\p kơ\l Khul dăr hơ len, Công an apu\ng Dak Mil ăn tơ băt, mưh vă tơ tông lu sư pơ chôp băl đơ\ng 2 - 3 ‘nu bơ ngai. Tơ mam mă lu sư vă tơ tông ‘no\h j^ dôm tơ mam kăp, đei hloi bơ\n tơ\r ‘long, kơ măy ot ‘long, ti vi... chơ ôn tơ\ 1 an^h đang kơ ‘no\h chă trong te\ch:

“Gru\p đe Trương Xuân An đei đơ\ng 7 truh 8 ‘nu. Mưh tơ tông lu sư ưh đei năm hơ dai, ưh đei tơ tông hơ dai 1 tơ drong. Pơ tih gia nhen ‘măng mă âu đei đơ\ng 2- 3 ‘nu bơ ngai, tơ drong nai dơ\ng, Trương Xuân An năm hơ dai hăm bơ ngai plơ\ng dơ\ng, kơ na [ơm truh gru\p âu ‘no\h đei lơ tơ drong tơ tông.”

Nhen thoi no\h mơ\n, Công an apu\ng Dak Song, dêh char Dak Nông ‘nao phă đei 1 gru\p juăt tơ tông tơ mam, rôp dôm ‘nu, đei Vũ Văn Tính, Nguyễn Đức Thái, Nguyễn Tấn Lộc, Huỳnh Ngọc Long, Huỳnh Ngọc Hiệp (oei tơ\ apu\ng Dak Song ngăl) păng Phạm Văn Thành, xoei tơ\ dêh char Bình Phước.

Tơ mam đe yoa vă tơ tông gre hon đa

Tơ ge\ch [ât kon pơ lei ưh kơ chăng, đơ\ng khei 2 truh to\k bo\k khei 7, gru\p âu chông băl tơ tông to\ se\t hlo\h 27 ‘măng tơ tông gre hon đa (lơ\m no\h tơ\ apu\ng Dak Song đei 13 ‘măng, th^ xăh Gia Nghĩa 9 ‘măng, apu\ng Dak G’long 4 ‘măng păng Dak R’lấp 1 ‘măng). Mo\ Vũ Thị Nguyệt – oei tơ\ th^ trơ\n Đức An, apu\ng Dak Song ăn tơ băt, yoa ưh kơ chăng ming gre tơ\ cham hnam mă ưh kơ đei khoă hơ met, kơ na hnam sư hiong 3 tong gre hon đa:

“‘Nâu j^ gre hon đa mă 3 kơ hnam nhôn hiong, lăp pôm băt tơ roi ăn kon pơ lei ju\m dăr kơ chăng đe\ch yoa dang ei bơ ngai tơ tông tôch lơ, mưh [ôh bơ\n ưh kơ chăng ‘no\h tơ tông hloi. Lăp 3 pơ n^t đe\ch gre đ^ hiong hloi bơih.”

Kiơ\ Thiếu tá Mai Xuân Huân – Kơ dră che\p kơ\l Khul Kanh sat dăr lăng tơ drong yoch tih, mu\k drăm păng cham char Công an apu\ng Dak Song, đơ\ng ro\ng lơ ‘măng dăr hơ len hlôi krao ako\m 6 ‘nu bơ ngai đei [ơm truh.

Dôm bơ ngai âu tơ roi hlôi pơ gơ\r 27 ‘măng tơ tông tơ mam đe. Adrol kơ ‘no\h, Công an apu\ng Dak G’long hlôi rôp vei Lương Vĩnh Thắng, oei tơ\ xăh Phú Vinh, apu\ng Định Quán, dêh char Đồng Nai păng Trần Như Quỳnh, oei tơ\ xăh Quảng Khê, apu\ng Dak G’long vă dăr hơ len, pơm hơ dăh găh tơ drong yoch tơ tông tơ mam. ‘Nâu j^ 2 ‘nu bơ ngai adrol ki đei rôp phak yoa tơ tông tơ mam bơih păng măr sư chông băl tơ tông to\ se\t hlo\h ‘no\h 8 ‘măng tơ\ xăh Dak Som păng Quảng Khê, apu\ng Dak G’long.

Công an Dak Nông pơ dreu dơ\ng tơ mam ăn bơ ngai hiong

Thiếu tá Trần Văn Nghị - Kơ dră che\p kơ\l Khul Kanh sat dăr hơ len tơ drong yoch tih, mu\k drăm, ma tuy\ Công an apu\ng Dak G’long tơ tă găh tơ drong tơ plih trong chă tơ tông kle\ tơ mam đei đơ\ng gru\p tơ tông âu:

“Tơ drong chă tơ tông đơ\ng gru\p âu sư pha [iơ\ ‘no\h j^ tơ tông til pơ gê, [ât kon pơ lei năm jang mir, năm bơ\ jang lơ\m jơ hanh ch^nh, tơ drong vei lăng tơ mam ưh kơ jăp. Dôm bơ ngai âu chă trong pơ ve\r, io\k xi [eng chơ kơ\ ‘măng, chơ kơ\ tơ năr vă mât lơ\m hnam, tơ tông dôm tơ mam kăp.”

Kiơ\ tơ drong hơ len năng đơ\ng Công an dêh char Dak Nông, đơ\ng blu\ng sơ năm truh dang ei, tơ drong yoch tơ tông tơ mam tơ\ tơ ring jur hlo\h 3% mă lei đei truh 41,8% lơ\m kơ so# tơ drong yoch tih. Dôm bơ ngai tơ tông pơ chôp băl tôch gơ\h, đei gru\p âu mât [ơ\r đon hăm gru\p to vă chă trong te\ch tơ mam tơ\ te\h đak đe.

Yoa thoi no\h vă găn ‘lơ\ng kơ loăi yoch âu, tơ\ hơ năp kơnh, mă loi j^ [ât hơ tuch sơ năm, khul linh Công an jơ\p tơ ring lơ\m dêh char Dak Nông hlôi păng to\k bo\k tơ le\ch lơ trong jang, lơ\m no\h năng kăl truh tơ drong hơ to\k trong tang găn lơ\m tơ pôl, ako\m khul linh pơm hơ dăh, sek tơ lang tơ păt dôm tơ drong yoch âu.

Dơ\ng: Tơ blơ\