VOV4.Bahnar - Apu\ng Đắk R'lấp (Dak Nông) to\k bo\k ako\m lơ trong jang vă bơ\ jang kiơ\ Tơ drong jang 1 xăh 1 tơ mam (OCOP). Hăm lơ tơ drong ‘lơ\ng lơ\m tơ drong jang cho\h jang sa, apu\ng tơ le\ch tơ drong hơ găt ‘no\h j^ athei đei lơ tơ mam io\k đei OCOP tơ\ hơ năp kơnh...

Khei ‘năr âu ki, apu\ng Đắk R’lấp ling lang lăng kăl tru\h tơ drong tơ gu\m, pơ tru\t pơ jing rim gru\p jang hơ dai, hơp tak xăh, pơm trong jang tơ gu\m vă kơ rim an^h jang mơ dro sa tơ mơ\t jên jang, jang hơ dai hăm kon pơ lei jang chu\n mir hơ to\k tơ iung pơm tơ le\ch, tơ mơ\t jên jang pơm tơ le\ch tơ mam drăm cho\h jang sa. Tru\h dang ei, lơ\m apu\ng đei 26 hơp tak xăh cho\h jang sa, 10 gru\p jang hơ dai. Rim an^h jang lơ\m tơ ring ku\m to\k bo\k tơ mơ\t yua dôm tơ drong jang pơm tơ le\ch kiơ\ trong jang hơ dai. ‘Nâu j^ tơ drong ‘lơ\ng tơ gu\m mu\k drăm tơ ring tơ rang kơ apu\ng Đắk R'lấp hơ to\k tơ iung kiơ\ trong ‘lơ\ng păng hơ to\k kơ jă kăp g^t.

Lơ\m apu\ng Đắk R’lấp to\k bo\k đei lơ tơ drong jang cho\h jang sa tơ mơ\t yua ki thuơ\t ‘nao, hơ nhăk ăn io\k yua lơ, io\k đei dôm tơ drong hơ găt ‘lơ\ng hăm tơ mam drăm đơ\ng cho\h jang sa. Nhen u\nh hnam Võ Văn Minh, thôn 8, xăh Nhân Cơ, đei vă je# 1,5 hek tar sầu riêng. Gơ nang đơ\ng tơ mơ\t jên jang ‘lơ\ng đơ\ng tơ drong vei lăng tru\h tang găn j^, kơ na pơ gar sầu riêng kơ u\nh hnam [ok Minh hơ to\k tơ iung sơ đơ\ng, io\k yua jo# păh lăp đei vă je# 1 tạ plei 1 tơ nơm.

{ok Minh tơ băt, tơ drong hơ găt đơ\ng bơ ngai pơ tăm sầu riêng hrei ‘nâu ư\h kơ s^ jing hăm rim trong jang vă io\k đei plei lơ mă kăl ‘no\h tơ drong ‘lơ\ng. Plei sầu riêng athei vei sơ đơ\ng rơ go\h ‘lơ\ng păng [âu phu. Thoi no\h mă te\ch đei tơ mam, tơ drong jang pơ tăm sầu riêng mă pơ vei đei đunh đai.

Hơp tak xăh Tiu rơ go\h Đồng Thuận, xăh Nhân Cơ io\k đei tơ drong hơ găt ‘lơ\ng tơ mam sa rơ go\h

Kiơ\ kơ [ok Nguyễn Quốc Khánh, Kơ dră Kâu lak [o# Sầu riêng Thiên Phú, xăh Nhân Cơ, hrei ‘nâu, đei lơ u\nh hnam kon pơ lei jang chu\n mir lơ\m tơ ring tă kơ hlo#h vao đei tơ drong g^t kăl đơ\ng tơ drong tơ chơ\t yua kơ măy kơ mo\k rơ go\h vă pơm tơ le\ch đei tơ mam drăm cho\h jang sa rơ go\h. Lơ sơ năm kơ âu, đei lơ u\nh hnam pơ tăm che\h phe, tiu, ‘long sa plei tơ mơ\t yua trong jang săy mơ\r, pơm tơ le\ch kiơ\ tơ drong hơ găt ‘lơ\ng VietGAP, Organic, GlobalGAP… Yua thoi no\h, tơ mam cho\h jang sa đơ\ng rim bơ ngai jang pơ gar âu te\ch ăn đei đe lui lơ păng đei dôm bơ ngai jang hơ dai ku\m nhen bơ ngai răt yua lui nge\h.

Hăm trong pơm tơ le\ch ‘lơ\ng, kiơ\ trong săy mơ\r, kơ na lơ bơ ngai jang pơ gar hlôi đei asong hla ar drơ\ng ăn tơ mam ‘lơ\ng lơ\m păng ‘ngoăih te\h đak. Yua thoi no\h, tơ drong dôm tơ mam đơ\ng đe sư đei “ pơ klep hơ nglo\ng” vă jing tơ mam  OCOP ‘no\h j^ tơ drong ư\h kơ mơ mat tat o#h.

{ok Nguyễn Tuấn Anh, Pho\ An^h vei lăng cho\h jang sa – hơ to\k tơ iung tơ ring tơ rang apu\ng Đắk R’lấp, dang ei đei lơ tơ mam cho\h jang sa đơ\ng rim u\nh hnam kon pơ lei, hơp tak xăh, an^h jang mơ dro sa đei gơ\h vang jang tơ drong jang OCOP. Mă lei, apu\ng ku\m athei dar de\h pơ jing vă pơm đei tơ drong jang pơm tơ le\ch, te\ch tơ mam drăm cho\h jang sa 1 trong kơ jăp ư\h kơ hăt hot “ pơ klep hơ nglo\ng” OCOP.

Sầu riêng kơ [ok Võ Văn Minh, xăh Nhân Cơ (Đắk R’lấp) pơ tăm kiơ\ trong săy mơ\r

Ku\m kiơ\ kơ [ok Nguyễn Tuấn Anh, vă jang kiơ\ tơ drong jang OCOP, yak blu\ng, apu\ng jang kiơ\ rim trong jang pơ tru\t rim hơp tak xăh, an^h jang mơ dro sa păh lăp păng ie\ hơ to\k tơ iung vă pơm tơ drong ‘lơ\ng lơ\m khu\l jang. Apu\ng pơm tơ drong hiôk găh trong jang tơ gu\m vă hơ to\k ‘lơ\ng gơ\h jang ăn rim an^h jang, hơp tak xăh, an^h jang mơ dro sa lơ\m Tơ drong jang OCOP. ‘No\h j^ ako\m tơ gu\m rim an^h jang găh trong jang vei lăng, kơ măy kơ mo\k pơm tơ le\ch, pơ tru\t mơ dro sa.

Apu\ng Đắk R'lấp tơ le\ch tơ drong hơ găt tru\h sơ năm 2025 đei to\ se\t hlo\h 3 tơ mam đơ\ng an^h jang mơ dro sa vang jang OCOP; 6 tơ mam đơ\ng rim hơp tak xăh đei asong hla ar drơ\ng OCOP. ‘Ngoăih kơ ‘no\h, đei to\ se\t hlo\h 3 tơ mam đei drơ\ng OCOP io\k đei 3 hơ nglo\ng tơ\ hơ pal, 1 tơ mam io\k đei đơ\ng 4 - 5 hơ nglo\ng.

Đơ\ng sơ năm 2016 tru\h dang ei, apu\ng hlôi hơ vơn đei vă je# 9.000 ti hlak jên vă pơ jing tơ ring tơ rang ‘nao, lơ\m no\h kon pơ lei tơ gop vă je# 340 ti hlak jên. Sơ năm 2011, lơ\m apu\ng ‘nao đei 43 tơ drong hơ găt tơ ring tơ rang ‘nao, mă lei tru\h dang ei lơ\m apu\ng io\k đei 182 tơ drong hơ găt. An^h pơ gơ\r jang rim tơ drong jang tơm te\h đak de#h char Dak Nông hơ len lăng Đắk R’lấp ‘no\h j^ hla kơ blu\ng kơ de#h char lơ\m pơ jing tơ ring tơ rang ‘nao. Trong jang, tơ drong hơ drin lơ\m pơ gơ\r, vei lăng, jang kiơ\ rim tơ drong tơm, tơ drong pơ jing tơ ring tơ rang ‘nao đơ\ng Đắk R’lấp ‘no\h j^ tơ drong mă rim tơ ring nai kăl kơ ho\k pơ hrăm, tơ mơ\t yua, mă loi ‘no\h j^ hăm dôm apu\ng tam mă đei xăh hơ yơ jang đang ‘lơ\ng dăh mă dôm apu\ng oei to\ se\t xăh jang đang ‘lơ\ng tơ ring tơ rang ‘nao.

Thuem: Tơ blơ\